Pyntingamamman

Sönn sakamál 5

Í júlí 1965 var unglingnum Sylvíu Likens komið fyrir í fóstri hjá Gertrude Baniszewski í borginni Indianapolis í Indiana-ríki í Bandaríkjunum. Gertrude var einstæð móðir sjö barna og vann meðal annars fyrir sér með því að taka börn í fóstur.
Á heimilinu réðu börnin sér mikið sjálf og myndaðist þar eins konar stigveldi félagslegs darwinisma þar sem hinir sterku drottnuðu yfir hinum veikbyggðu.
Í október 1965 fannst illa útleikið lík Sylvíu í kjallaranum. Hún hafði verið svelt og barin sundur og saman. Á líkinu voru skelfileg brunasár og orðin „Ég er hóra og stolt af því“ höfðu verið rist á kvið hennar.
Mál þetta vakti mikinn óhug um gervöll Bandaríkin. Yfirvöld í Indiana sögðu að pyntingarnar sem Sylvía hefði mátt þola væru versti glæpur sem framinn hefði verið gagnvart einstaklingi í sögu ríkisins.