Segir hér af hinum hégómlega – en óneitanlega töluvert glæsilega – úlfi sem spígsporar um skóginn og krefst þess að aðrir dáist að honum. Hann hittir meðal annars Rauðhettu og Mjallhvíti og sjö litla menn, sem öll hrósa honum í hástert – en hann hefði betur hugsað sig um tvisvar áður en hann truflaði drekabarnið sem er í feluleik við fuglinn.
Draumur Freyju er að vinna til verðlauna. Þegar hún mætir á keppnisstað verða ýmsar áskoranir á vegi hennar. Freyja þarf að finna hugrekkið, læra að treysta sjálfri sér og taka á öllu sínu til að komast í mark. Með hjálp dýravina sinna kemst hún að því að ferðalagið er mikilvægara en verðlaunin.
Lillaló elskar að mála. Hún málar rauða maríubjöllu, bláan himin og gula banana en koss hefur hún aldrei málað. Hvernig er koss á litinn? Með penslum og pappír rannsakar Lillaló málið. Er kossinn rauður eins og tómatsósa, grænn líkt og krókódíll eða bleikur eins og uppáhaldskökurnar hennar?
Mía litla útdeilir gjöfum til íbúa Múmíndals. En rata allir pakkarnir í réttar hendur? Ein af hinum sívinsælu myndabókum sem byggðar eru á sögum Tove Jansson.
Dag einn kemur Gústi nágranni með tvíhleypu á öxl og hefur fréttir að færa. Refur herjar nú á hænsnakofa sveitarinnar og því er eins gott fyrir Pétur og köttinn Brand að vera við öllu búnir. Pétur lætur ekki segja sér það tvisvar en í stað þess að veiða refinn ákveða þeir félagar að fæla hann heldur í burtu og það í eitt skipti fyrir öll.
Töfrandi kvöldævintýri fyrir litlar krúttlegar risaeðlur. Mjög falleg bók sem notið hefur mikilla vinsælda víða um heim. Frábær bók til að lesa fyrir lítil kríli fyrir svefninn.
Dýrin tala. Þau brosa og hlæja, hrína, hneggja, gelta og gala og eru stundum með stæla! Í þessari bráðskemmtilegu bók kynnist þú íslensku húsdýrunum og forvitnilegum fuglum og sjávardýrum sem lifa í náttúrunni við landið okkar. Og þú færð meira að segja að heyra hvernig hljóð þau gefa frá sér.
Jólaljósin lýsa upp skammdegið og stytta biðina eftir jólunum. En af hverju eru ekki komin upp nein ljós á númer 12? Og af hverju er Þormóður á efstu hæðinni alltaf í fúlu skapi? Blær og Fatíma ákveða að gera eitthvað í málunum því stundum þurfa krakkar bara að láta til sín taka.
Brúðkaup er ástarveisla. Júlían fer í eftirminnilegt brúðkaup og eignast nýjan vin, Marísól. Saman halda þau á vit töfra og ævintýra. Falleg bók um fjölbreytileika og virðingu.
Kata var að borða brauð með marmelaði. Þegar Kata var búin að borða var hún klístruð á puttunum. Hvað átti Kata til bragðs að taka? Á hverju gat hún þurrkað hendurnar? Á eldhúsdúknum? Á kjólnum sínum? Ef þú lest þessa bók þá kemstu að því!
Það er gaman á aðventunni, að eiga notalegar stundir með fjölskyldunni við jólaundirbúning, en það er líka svolítil spenna í loftinu. Atli og Lára fara saman á jólaball. Þangað mætir góður gestur. Hversdagssögur Birgittu Haukdal um Láru og bangsann Ljónsa hafa verið metsölubækur í fjölda ára og vinsæl leiksýning verið gerð eftir þeim.
Lára hlakkar alltaf til að fara á fimleikaæfingu. Það er svo skemmtilegt að hoppa á trampólíninu og gera ýmsar æfingar. En í dag á Lára erfitt með að einbeita sér því hún er með lausa tönn. Sögur Birgittu Haukdal um Láru og bangsann Ljónsa eru litríkar og fallegar bækur sem krakkar hrífast af.
Lindís fer í veiðiferð á slóðir Hrafna-Flóka í Vatnsfirði. Þar sér hún hrafna, sem breytast í hrafnadísir og breytast síðan aftur í hrafna. Þessir hrafnar hjálpa Lindísi að finna góðan veiðistað.
Lindís fer í skoðunarleiðangur til Arnarfjarðar. Pabbi hennar las frétt á netinu varðandi breytingar á lífríki sjávar. Í Arnarfirði fara Lindís og Steindís í kafbátaferð til að kanna áhrif þessara breytinga.
Í dag líður Litaskrímslinu allavega. Það er gult, blátt, rautt, svart og grænt á sama tíma. Getur þú hjálpað því?
Litagleði í Múmíndal! Í þessari bók hittum við fyrir Múmínsnáðann og Míu litlu, auk margra annarra kunnuglegra félaga, og lærum að nefna ýmsa fallega liti. Ein af hinum sívinsælu myndabókum sem byggðar eru á sögum Tove Jansson.
Komdu í feluleik! Ekkert er skemmtilegra þegar maður er eins árs en að týnast og finnast strax aftur. Falleg bendibók með flipum sem þroskar og örvar skilning yngstu barnanna. Þykkar síður sem henta vel slefandi bókaböðlum sem skoða bókina aftur og aftur!
Litla geimskipaleigan er staðsett á plánetunni Íbú en þar býr geimskipið Vega sem bíður óþreyjufullt eftir leigjendum. Einn góðan veðurdag koma tveir íbúar á leiguna sem vilja bara leigja bestu og flottustu geimskipin en eftir nokkrar misheppnaðar prufukeyrslur kemur í ljós að skipin sem þau vilja henta þeim kannski ekki.