Myndrík rímsaga um hana Dísu sem er minnsti jakuxinn í hjörðinni og dreymir um að verða stór eins og hinir. Dísa á þó eftir að komast að því að þótt hún sé smá er hún fullkomin nákvæmlega eins og hún er, því að sumt er nefnilega bara á lítilla jaka færi! Dásamleg rímsaga sem sýnir að öll höfum við eitthvað fram að færa.
Hér eignast barnið nokkra vængjaða vini og lærir hljóðin sem fuglarnir senda frá sér. Tíst tíst, kú kú, hú hú, gaggala gú … Bók sem smáfólkinu finnst gaman að lesa upphátt með fullorðna fólkinu. Bókin er harðspjalda (hver síða úr þykkum pappa) og þolir því vel hnjask!
Í þessari bók má finna tólf skemmtileg púsl sem tengjast lífinu í sveitinni og eru sérstaklega hönnuð með yngstu kynslóðina í huga.
Afi hans Ljóna vann þrjá flugmiða í bingólottó hjá félagi eldri borgara fyrir jólin í fyrra. Honum finnst tími tilkominn að nýta þessa flugmiða. Þess vegna býður hann Ljóna og ömmu með sér til Billund í Danmörku. Þar er skemmtigarður sem heitir Lególand. En hverja hitta þau í Lególandi?
Ljóni er að flytja í nýja herbergið sitt. Hann ákveður að músakassinn hans verði settur í geymsluna. Mýsnar eru ekki ánægðar með þessa ákvörðun Ljóna.
Hér birtist á ný gamall og góður kunningi íslenskra barna, prakkarinn Lúlli. Í fyrstu bókinni um Lúlla og ævintýri hans þarf hann að læra að klæða sig og borða matinn sinn. Skyldi peysan eiga að fara á fæturna og bollurnar í eyrun? Dásamleg skemmtun fyrir yngstu bókaormana.
Það er sama hvað Lúlli tekur sér fyrir hendur, Gunna litla systir hans vill alltaf herma allt eftir honum og gera alveg eins. Það finnst Lúlla verulega þreytandi! Sögurnar um fjörkálfinn Lúlla eru sönn skemmtun fyrir unga lestrarhesta.
Mér leiðist! Hljómar þetta kunnuglega? Komdu í ferðalag með lítilli manneskju sem uppgötvar að það er ekki svo slæmt að láta sér leiðast...
Það er nýtt barn flutt í hverfið. Það býr við hliðina á mér. Ég vona að það sé ekki hættulegt. ...mér líst ekkert á þetta. Bókin fjallar um fyrirframgefnar hugmyndir og skoðanir, ímyndunaraflið og vináttuna.
Vindasaman dag í Múmíndalnum bankar skelkuð lítil vera á dyr Múmínhússins. Mía litla er ekki sátt við að þurfa að deila herbergi með nýja gestinum. En hún kemst brátt að því að gott getur verið að eiga vin þegar á reynir … Ein af hinum sívinsælu myndabókum sem byggðar eru á sögum Tove Jansson.
Hugljúf endursögn úr Minningum múmínpabba eftir Tove Jansson. Múmínfjölskyldan siglir um höfin og lendir í ótal ævintýrum: þau bjarga frænku hemúlsins úr lífsháska, leggja lævísa gildru fyrir risavaxinn dronta og hitta dularfullar slímloppur. En besta ævintýrið bíður þeirra heima. Litríkar myndir varpa töfraljóma á lífið í múmíndal.
Hviss! Ó, nei! Vindurinn feykir öllu burt í Múmíndal. Lyftið flipunum og hjálpið Múmínsnáðanum og vinum hans að finna það sem fauk burt. Ein af hinum sívinsælu myndabókum sem byggðar eru á sögum Tove Jansson.
Oddný Lóa Þorvarðardóttir býr í Kjóamóa þrjúhundruð og sjö. Hvaða krakki getur sagt það? Enginn. Obbuló á heima í Kósímó. Hver er hræddur við hlussulegt tramp? Býr einhver í ísskápnum hjá Símoni kennara? Hvað gerir gat á myrkrið hjá Obbuló? Þessum spurningum og öðrum er svarað í bókinni.
Oddný Lóa Þorvarðardóttir býr í Kjóamóa þrjúhundruð og sjö. Hvaða krakki getur sagt það? Enginn. Obbuló á heima í Kósímó. Eru sumir dagar leiðinlegir? Gleymir fólk að sækja börn í leikskólann? Er hollt að troða í sig miklu nammi? Spurningunum er svarað í þessari bók.
Pómeló er lítill fíll með óvenjulangan rana og býr undir biðukollu. Þó að langbest sé að vera heima er nauðsynlegt að kanna nánasta umhverfi. Raninn hans langi vill þá oft valda vandræðum en getur líka komið að góðum notum. Þrjár skemmtilegar sögur í einni bók
Sjótta bókin í ritröð Töfrahurðar sem byggir á íslenskum þjóðsagnaarfi. Sígilt og fallega skreytt ævintýri sem flytur alla inn í heillandi og skemmtilegan heim þjóðsagna og ævintýra. Eða eins og galdrakarlinn í sögunni segir: Skemmtilegt er myrkrið!
Putti þráir ekkert heitar en að lenda í ævintýrum. En þegar Nátttröllið ógurlega rænir honum og lokar inni í helli er Putti ekki alveg viss um að þetta ævintýri endi nógu vel. Ástsæl og æsispennandi saga sem er loksins fáanleg á ný – fyrir alla ævintýraþyrsta krakka með nef fyrir góðum uppfinningum.
Verkefnabók fyrir krakka sem eru að byrja að læra stafina - um leið og þau þjálfast í að halda á penna. Tússpenni fylgir með bókinni en krakkarnir nota hann til þess að telja, spora tölustafina og teikna inn á myndirnar.