Afbrot og refsiábyrgð I
Afbrot og refsiábyrgð I–III eru grundvallarrit um hinn almenna hluta refsiréttar. Fyrsta bindið kemur nú út endurskoðað, verulega aukið og endurbætt.
Afbrot og refsiábyrgð I–III eru grundvallarrit um hinn almenna hluta refsiréttar. Fyrsta bindið kemur nú út endurskoðað, verulega aukið og endurbætt.
Bókin Afríka sunnan Sahara í brennidepli II dregur fram áhugaverð sjónarhorn fimmtán höfunda á ýmis málefni í sögu, samtíð og framtíðarhorfum þessarar margbreytilegu og heillandi heimsálfu. Bókin, sem félagið Afríka 20:20 stendur að, er ríkulega myndskreytt.
Auk dagatals flytur almanakið margvíslegar upplýsingar, svo sem um sjávarföll og gang himintungla. Lýst er helstu fyrirbærum á himni sem frá Íslandi sjást, stjörnukort, áttavitastefnur á Íslandi og kort sem sýnir helstu tímabelti heimsins. Yfirlit um hnetti, mælieiningar, veðurfar o.fl. Af nýju efni er m.a. grein um stjörnuna Betelgás.
Aðalgrein Andvara 2023 er um Guðrúnu Helgadóttur (1935–2022), alþingismann og rithöfund, eftir Sigþrúði Gunnarsdóttur. 10 aðrar greinar eru í riti ársins.
Skáldsagan Effí Briest eftir þýska rithöfundinn Theodor Fontane (1819–1898), sem kom fyrst út 1895, er eitt af kunnustu stórvirkjum þýskra bókmennta. Það er til marks um vægi sögunnar að henni hefur verið skipað á bekk með Frú Bovary eftir Gustave Flaubert og Önnu Kareninu eftir Leo Tolstoj.
Árið 1826 sigldi Baldvin Einarsson til náms í Kaupmannahöfn. Hann var þá trúlofaður Kristrúnu Jónsdóttur en sveik hana í tryggðum. Við tók flókið bréfasamband ástar, blekkinga og fyrirgefningar. Í bókinni er ástarharmsaga Kristrúnar og Baldvins rakin og bréfin sem hann skrifaði henni 1825–1832 birt með skýringum og færð til nútímastafsetningar.
Sjötta bókin í ritröð RIKK – Rannsóknastofnunar í jafnréttisfræðum er þverfaglegt greinasafn um loftslagsvá út frá kynja- og jafnréttissjónarmiðum. Í bókinni eru margþætt tengsl loftslagsbreytinga, kynjajafnréttis og samfélagslegs réttlætis tekin til greiningar og þannig stuðlað að víðtækari skilningi á þessu stærsta viðfangsefni samtímans.
Margir halda að hagfræði fjalli einungis um verðbólgu, atvinnuleysi og vexti. En hagfræði hjálpar okkur að skilja líf okkar og umhverfi. Þannig lýsir hagfræðin ákvörðunum okkar, hvernig hinn skynsami maður ætti að taka ákvarðanir, en jafnframt hvernig ákvarðanir okkar eru ekki alltaf skynsamlegar frá sjónarhóli hagfræði.
Náttúra og loftslag jarðar eru þegar farin að umbreytast vegna hamfarahlýnunar, fjöldaútrýmingar og annarra tengdra umhverfisógna. Í þessari bók er fjallað um það hvernig aukin meðvitund um þessar umhverfiskrísur og um víxlverkun allra þátta í vistkerfi okkar, mennskra og ekki-mennskra, birtist í samtímabókmenntum og -myndlist.
Í Húsinu og heilanum er fjallað um eitt elsta minni sagnalistarinnar, reimleikahúsið, en frásagnir af draugahúsum hafa fylgt manninum allt frá tímum Rómaveldis. Í þessu yfirgripsmikla verki eru fjórar íslenskar hrollvekjur settar í samhengi hefðarinnar. Bókin er ríkulega myndskreytt.
Á árunum 1941 til 1968 hélt Kristján ítarlegar dagbækur – nokkurs konar listaannál um myndlistarlífið í Reykjavík. Á því tímabili sá hann allar sýningar íslenskra og erlendra listamanna, skráði skoðanir sínar á þessum sýningum, viðbrögð gagnrýnenda og annarra álitsgjafa við sýningum.
Í bókinni er rætt um hverjir grunnþættir lýðræðis eru, af hverju mikilvægt er að standa vörð um grunnstoðir lýðræðis og hvað við getum gert sem almennir borgarar til að hafa áhrif. Fjallað er um muninn á beinu og óbeinu lýðræði, hvernig skrifa á umsagnir og lagafrumvörp o.m.fl.
Jón Bergsted (1795–1863) var sjálfmenntaður læknir sem hélt dagbók yfir störf sín í Húnavatnssýslu á árunum 1828–1838. Í dagbókinni er að finna lýsingar á sjúkdómum sem hrjáðu yfir 400 nafngreinda sjúklinga í sýslunni og þeim úrræðum sem Jón beitti.
Stjórnarhættir fyrirtækja er nýleg fræðigrein sem nær yfir viðskiptafræði, hagfræði, lögfræði, stjórnmálafræði, siðfræði og félagsfræði. Skilgreiningar á stjórnarháttum fyrirtækja eru margar en í breiðasta skilningi fjalla þeir um skipulag á starfsemi fyrirtækja og þær reglur, ferla og venjur sem stuðst er við í stjórnun fyrirtækja.
Þessi bók kemur nú út í þriðja sinn í endurbættri gerð með hliðsjón af þróun á sviðinu síðustu ár. Í henni fjallar höfundur um siðferðileg álitamál tengd heilbrigðisþjónustu, rannsóknum á fólki, heilbrigðisstefnu og lýðheilsu á ítarlegan en aðgengilegan hátt.
Hvað er þetta óljósa fyrirbæri sem kallast samfélag? Í þessari nýstárlegu bók er leitast við að gera hið ósýnilega afl samfélagsins sýnilegt með beitingu félagsfræðilegs innsæis á ljósmyndir úr hversdagslífinu. Bókin hentar öllum sem hafa áhuga á lífinu og tilverunni, og varpar ljósi á félagslega töfra samfélagsins sem og vaxandi firringu þess.
Stuttar greinar frá 2009 til 2023 sem var ætlað að gefa hlutlausa en upplýsandi mynd af atburðum samtímans. Sagt er frá störfum peningastefnunefndar Seðlabankans og farið yfir mikilvægustu og umdeildustu ákvarðanirnar. Einnig er lýst persónulegri reynslu höfundar af bóluárunum, fjármálaáfallinu og þeim lærdómi sem má draga af þessu tímabili.