Athugið að þessi bók er úr eldri útgáfu Bókatíðinda og birt hér með fyrirvara um mögulega sé ekki um að ræða nýjustu upplýsingar. Hafið samband við útgefanda til að fá nánari upplýsingar um hvort bókin sé fáanleg.

Gullöldin

Myndir og minningar

Höfundur Rúnar Gunnarsson

Í 60 ár hefur Rúnar Gunnarsson af eljusemi og fagkunnáttu tekið ógrynni ómótstæðilegra ljósmynda af fjölskrúðugu mannlífinu í Reykjavík. Úrval þeirra má nú sjá í þessari veglegu ljósmyndabók. Í bókinni er að auki sjálfsævisögulegur inngangur höfundar með ljósmyndasögulegu ívafi auk smásagna sem vekja upp bæði ljúfar og ljúfsárar minningar.

Hvernig var Reykjavík og mannlífið þar á seinni helming 20. aldar?

Svar við þessari spurningu er að finna í miklu og ómetanlegu ljósmyndasafni Rúnars Gunnarssonar. Rúnar, sem er fæddur árið 1944, fékk myndavél í fermingargjöf og hefur síðan þá nánast aldrei skilið myndavélina við sig.

Það fer ekki á milli mála, þegar myndasafn Rúnars er skoðað, hvaða myndefni það er sem heillar hann allra mest. Það er mannlífið í fjölskrúðugu borgarlífinu. Í þessu umhverfi hefur Rúnar af mikilli eljusemi og fagkunnáttu tekið ógrynni ómótstæðilegra ljósmynda.

Gullöldin – Myndir og minningar er ferðalag í gegnum tíðina þar sem ljósmyndarinn fangar andblæ líðandi stundar og skyggnist inn í eilífðina.