Síða 1 af 7
Eru til sænskir raðmorðingjar? Hvers vegna er lík tæmt af blóði? Hvers vegna er annað lík mulið, bein fyrir bein, og það þriðja brennt með ýmsum vökvum? Hversu áreiðanlegar eru DNA-sannanir í raun og veru? Og hvað kom eiginlega fyrir lögreglumanninn Ewert Grens sem skaut sig til að binda enda á allt?
Christine og Alex eiga að baki þrjátíu ára nána hjónavináttu við Lydiu og Zachary. Kvöld eitt hringir Lydia af sjúkrahúsinu í miklu uppnámi, Zachary hefur fengið hjartaáfall og er látinn. En harmur þeirra sem eftir sitja þjappar þeim ekki saman, gömul leyndarmál og gremja koma smám saman upp á yfirborðið og það hriktir í stoðum vináttunnar.
Eftir að hafa afplánað fimm ára fangelsisdóm snýr Kenna Rowan aftur til bæjarins þar sem allt fór úrskeiðis, í von um að fá að hitta fjögurra ára dóttur sína. En Kenna fær ekki tækifæri til að byggja aftur brýrnar sem hún brenndi því fólkið í lífi dóttur hennar er staðráðið í að halda þeim aðskildum.
Joan Goodwin hefur verið gagntekin af stjörnunum frá því hún man eftir sér. Hún lifir kyrrlátu lífi, kennir stjörnufræði og tekur virkan þátt í uppeldi systurdóttur sinnar. Þegar hún svarar auglýsingu frá NASA, þar sem í fyrsta sinn er óskað sérstaklega eftir umsóknum vísindakvenna um geimfaraþjálfun hjá stofnuninni, snýst líf hennar á hvolf.
Ally Morales á í nógu miklu basli þegar hún lendir upp á kant við hinn skapstóra og óþolandi myndarlega Dominic Russo. Þegar starfið tengir þau aftur saman verður strax ljóst að þau eiga erfitt með að þola hvort annað en enn erfiðara með að hunsa aðdráttaraflið á milli þeirra. Krassandi skrifstofurómantík eftir margfaldan metsöluhöfund.
Gertie býr með mömmu sinni og ömmu í yndislegum, litlum bæ nyrst í Skotlandi, þar sem fólkið er samheldið og náttúran ægifögur. Það er þó ekki ævintýrum fyrir að fara hjá Gertie. Hún hefur unnið í sömu kjörbúðinni síðan hún lauk skóla og félagslíf hennar snýst aðallega um prjónaklúbb skoðanaglaðra kvenna. En skjótt skipast veður í lofti.
Bækur Jo Thomas hafa notið fádæma vinsælda bæði hér á landi og erlendis og er þetta þriðja jólabókin sem kemur út á Íslandi. Bókum Jo Thomas hefur verið lýst sem „einu stóru faðmlagi“.
Í þessari áhrifamiklu skáldsögu lýsir Nóbelsverðlaunahöfundurinn Annie Ernaux tilfinningaþrungnu ástarsambandi konu við giftan mann. Ástríða söguhetjunnar gagntekur líf hennar. Þrár hennar og langanir verða nánast óviðráðanlegar og öll tilvera hennar fer að snúast um strjála samfundi við manninn.
Önnur bókin í Haparanda-glæpasagnaflokki sænska verðlaunahöfundarins Hans Rosenfeldt sem sló í gegn sem handritshöfundur sjónvarpsþáttanna Broen. Hanna Wester snýr aftur til starfa hjá lögreglunni í Haparanda eftir sorgarleyfi og fær strax í fangið erfitt mál. Lík nýfædds barns hefur fundist úti í skógi og móðirin er horfin.
Jólin í ár fara algjörlega úr böndunum! Versti stormur í manna minnum skellur á Nýja-Englandi en Mabel Miller lætur það ekki á sig fá. Hún býr sig undir að eyða enn einum jólunum með köttunum sínum þremur og forðast allt sem tengist hátíðarhöldunum. Engar skreytingar. Ekkert jólatré. Það er að segja þangað til veðrið grípur í taumana ...
Þetta virtist ætla að verða fullkominn brúðkaupsdagur – þangað til bílstjórinn var beðinn um að aka með brúðurina einn hring í viðbót ... Ást, vinátta og leyndarmál afhjúpuð í steikjandi sól við skínandi blátt hafið í Cornwall. Brúðkaup ársins er eftir einn vinsælasta ljúflestrarhöfund heims.
Framsækin skáldsaga um óvæntan brúðkaupsgest og fólkið sem hjálpar henni að byrja upp á nýtt. Það er fallegur dagur í Newport, Rhode Island, þegar Phoebe Stone kemur á hið stórfenglega Cornwall hótel í grænum kjól og gylltum hælaskóm, farangurslaus og alein.
Í dimmum skógum sænsku Smálandanna, á bökkum stöðuvatns sem nefnist Råsjön, er gamalt sumarbústaðahverfi. Eitt sinn var þar fjölmenni á sumrin, fólk synti áhyggjulaust í vatninu, baðaði sig í sólinni og var úti á björtum sumarnóttum. En nú standa litlu rauðu bústaðirnir auðir og yfirgefnir, enginn kemur þangað lengur til dvalar.
Indverskur stúdent er fenginn til þess að vera túlkur austurrískrar konu á ráðstefnu í Prag á kommúnistatímanum. Þau fella hugi saman. Vetrarstemningin í Prag myndar dulúðuga umgjörð um ákaft og eldheitt ástarsamband sem óhjákvæmilegt er að verði skammlíft.
Þegar Takako missir í einu vetfangi kærastann, vinnuna og trúna á sjálfa sig býðst henni óvænt skjól hjá frænda sínum í lítilli fornbókabúð í Tókýó. Jimbocho-hverfið í Tókýó iðar af lífi, þar flökta neonljós borgarinnar og angan af Ramen-núðlum liggur í loftinu. Í Morisaki-bókabúðinni opnast annar heimur – kyrrlátur, hlýr og fullur af sögum.
Áhrifamikil og grípandi saga um áföll og ástleysi í lífi barns. Vidar er kennari sem hefur verið sakaður um brot í starfi en hann getur ekki munað hvað gerðist. Á einhvern hátt tengist það samt júnídegi í sumarhúsinu þegar hann var strákur, degi sem hann reynir af öllum mætti að rifja upp. Hvað gerðist þann dag sem heldur honum enn í heljargreipum?
Jack Reacher bjargar konu úr hremmingum úti í eyðimörkinni í Arizona. Hún reynist vera að leita að tvíburabróður sínum sem er lentur í klóm grimmúðugs glæpagengis. Reacher býðst til að leggja henni lið – enda hefur hann ekkert á móti dálítið vafasömum félagsskap. Tuttugasta og sjötta bókin í metsöluflokknum um harðjaxlinn Jack Reacher.
Skotheldur spennutryllir um barnslegt sakleysi og brostna drauma, ábyrgð og svik. Deild Q hjá lögreglunni kemst yfir hljóðupptöku sem varpar ljósi á gamalt morðmál. Óvæntar tengingar við ný dauðsföll beina athygli að leyndarmálum fortíðar og þekktum drengjakór. Bækurnar um Deild Q hafa farið sigurför um heiminn og hér hefst nýr kafli í þeirri sögu.