Síða 1 af 6
Höfundur lokast inni í yfirgefinni byggingu í Austurbænum en áður en það gerist nær hann að fanga ýmislegt og koma í orð. Hann veit stundum ekki hvort hlutir verði til í höfði hans eða séu aðfengnir – eða hvort munur sé á þessu tvennu. Bráðskemmtilegt sjálfstætt framhald af Innanríkið – Alexíus.
Svefnvana móðir í Svíþjóð fær nístandi óþægindi úr fortíðinni á heilann. Ungur eldhugi dragnast með íslenska slaufun og stóra drauma í nýju landi. Eiga þau afturkvæmt til Íslands? Heillandi samtímasaga um tengsl, meðalmennsku og frama, samskipti í hjónabandi og eðli vináttu, eilífan flótta undan sársauka og eftirsjá eftir því sem aldrei varð.
Faðir höfundar vaknar eina nótt við að ókunnugur maður stendur í svefnherbergisdyrunum á heimili hans við Skólavörðustíg. Aldarfjórðungi síðar rifjar sonurinn upp þessa reynslu föðurins og fer á stefnulaust flakk um fortíð og nútíð. Hér sýnir Bragi Ólafsson á sér nýja hlið; hann beinir athyglinni að því sem ekki er endilega skáldskapur.
Þegar Perla rankar við sér á Landspítalanum eftir heilablóðfall snýst hennar fyrsta hugsun aðeins um eitt: Bévað líkið, sem getur ómögulega verið áfram þar sem það er. En hvað getur hálflömuð manneskja á áttræðisaldri gert í slíkri stöðu? Þrjóskan og hugvitið geta sannarlega fleytt konu langt – en svo getur liðsauki líka borist úr óvæntustu átt.
Þetta er saga Eníms Eními og fjölskyldu hans. Á ferð sinni um geiminn uppgötvar Ením í hverju leyndardómur svarthola er fólginn. Ógn steðjar að Algúrín, heimi harakana, sem teygir sig alla leið til Krular. Ením og ástvinir hans eru í hringiðu atburðanna og kanna nýja heima þar sem óvæntir bandamenn sýna þeim mikla velvild.
Næstversti dagur í lífi Sölku Álfheiðar var viku fyrir sjö ára afmælið hennar, það var dagurinn sem Guð hætti að tala við hana. Versti dagurinn var dagurinn sem mamma hennar dó. Til að gera veröldina rökrétta aftur býr Salka til lista. Einn þeirra er Guðslistinn, þar sem hún telur til allar ástæðurnar sem gætu búið að baki því að Guð yfirgaf hana.
Á leið til Nástranda er stutt yfirlit yfir sögu kapítalismans og frjálshyggjunnar og jafnframt heimspekilegar rætur hvors tveggja, svo sem Darwinisma og kenningar um tungumál. Frásagan hefst á rannsókn Sherlock Holmes á dularfullu andláti frjálshyggjunnar nálægt aldamótunum 1900 en það hlutverk færist síðan yfir á hinn rússneska Basil f...
Árið 1990 heldur ung íslensk stúlka til Ítalíu sem skiptinemi með höfuðið fullt af draumum um frelsi fegurð og menningu. Í Feneyjum endar hún í sögufrægri höll við Canal Grande, þar sem hún býr hjá efnaðri ítalskri fjölskyldu sem lifir eftir ströngum reglum og stífum hefðum. Smám saman kemur í ljós að á bak við glæsileikann leynist annar veruleiki.
Í senn átakanleg fjölskyldusaga og mögnuð lýsing á óslökkvandi hefndarþorsta, vináttu og tryggð sem aldrei bregst. Jóhann Máni lifði eitt sinn háskalegu lífi, en hann er kominn á efri ár og býr ásamt hundi sínum í austurbæ Reykjavíkur. Viðburðasnauð tilvera hans breytist þó skyndilega þegar ókunnugir menn ráðast að kvöldlagi inn á heimili hans.
Jónína er nýr íbúi í blokk eldri borgara þar sem hún kynnist litríku fólki á sama reki og endurnýjar jafnframt kynnin við gamlan kærasta frá æskuárunum. Eina andvökunótt verður henni litið út um gluggann og sér þá inn um glugga í næstu blokk að maður er að fremja alvarlegan glæp. Var kona myrt fyrir framan augun á Jónínu eða missýndist henni?
Hvað ef sumar hugsanir eru ekki þess virði að geyma? Hlý og hugljúf saga um forvitni, von, sorg, sjálfsmynd og kraft góðra samtala. Bók sem minnir okkur á að hugsanir eru ekki alltaf sannleikur – og að lífið verður oft léttara þegar við veljum hverjum þeirra við trúum.
Þessi litla bók inniheldur 10 stuttar sögur úr lífi mismunandi fólks.
Magnað andrúmsloft einkennir þessa ískyggilegu og óhefðbundnu glæpasögu. Odd Strange einkaspæjari býr í gömlu hjólhýsi nærri Malaga. Hann á sér óvenjulega sögu: ólst upp í Reykjavík hjá afar sérkennilegum foreldrum, var júdókappi og starfaði í lögreglunni í Osló. Dag einn fær hann í fangið hryllilegt mál sem virðist tengjast fortíð hans.
Bergþóru bráðliggur á að gifta kornunga fósturdóttur sína og reynist ekki þurfa að leita langt eftir hentugum eiginmanni. Ráðahagurinn á eftir að bjarga orðstír margra en einnig vekja sorg og reiði – og áður en langt um líður finnst maður í andarslitrunum eftir að hafa verið byrlað eitur. Lokabindi þríleiksins um hina ráðsnjöllu Bergþóru í Hvömmum.
Þriðja bók Margrétar S. Höskuldsdóttur um lögregluteymið Rögnu og Berg. Eldgosið í Heimaey er í algleymingi og þrjú systkini frá Eyjum eru send í fóstur vestur á firði. Löngu síðar snýr eitt þeirra aftur og um svipað leyti finnast mannabein á Dynjandisheiði. Margrét hlaut Blóðdropann 2025 fyrir aðra bókina í seríunni, Lokar augum blám.
Á gráleitum miðvikudegi í mars fara feðgin saman í IKEA. Ferðin tekur óvæntan snúning þegar þau lokast inni í versluninni yfir nótt. Að loknum rómuðum þríleik sínum um síldarævintýrið snýr Hallgrímur Helgason aftur í nútímann í nýstárlegri sögu um hversdag okkar allra – sem verður aldrei samur.
Það er ekki stórstaðarlegt á dvalarheimilum aldraðra. Valdimar er 84 ára, ekkill og á uppkomin börn sem hann sér sjaldan. Marga daga gerist fátt, Valdimar hittir fólkið, borðar, drekkur kaffi, spjallar, spurning hver dó í gær – skrifar í dagbókina og endar alla daga: Enginn kom í dag. En þegar Maggi refur dregur upp byssuna færist fjör í leikinn!
Hvaða afleiðingar hafa áföll í æsku, brotin sjálfsmynd, brestir í hjónabandi? Eða óttinn við að horfast í augu við sjálfan sig? Við erum öll að glíma við eitthvað, leita jafnvægis, eins og Jónatan sem fer á Snæfellsnes til að biðjast fyrirgefningar og skrifa sig frá erfiðum æskuárum. Áhrifamikil saga, skrifuð af næmi, einlægni og hárfínum húmor.