Augu þín eru eins og hafið. Að vera eða ekki vera. Hér má finna leikhandrit og ljóð sem lyfta andanum og kitla sálartetrið.
Síða 1 af 3
Sjálfsmynd og samfélagið
Ljóð um sjálfsmynd og samfélagið. Bókin sprettur úr persónulegri reynslu höfundar af því að vera bæði innan og utan íslensks samfélags, en víkkar sjónarhornið yfir í spurningar um vestræna menningarhegemóníu, kapítalisma, sagnfræði, fjölmiðla, geðheilbrigði og hver fær að móta þekkingu.
100 og eitthvað ljóð 1986-2026
Úrval ljóða eftir Braga Ólafsson. Verkin eru einkum úr ljóðabókum Braga en einnig úr prósasöfnum og sérritum, auk þess sem nokkur ljóð birtast hér í fyrsta sinn. Óhætt er að segja að Bragi hafi mikla sérstöðu meðal íslenskra ljóðskálda.
ítölsk samtímaljóð
Í þessari bók er að finna ljóð eftir tíu starfandi ítölsk skáld sem vakið hafa athygli í heimalandinu og víðar. Þau valdi skáldkonan Elisa Biagini, sem sjálf er í þeirra hópi, og þýðingar gerði Sigurbjörg Þrastardóttir. Speglað verklag er að finna í ítölsku kveri um íslenska samtímaljóðlist sem í undirbúningi er á Ítalíu.
Ljóðsagan Brotnar línur er hrá og hrífandi rannsókn á aftengingu. Hér segir frá ungri konu sem heldur úr borginni út á land til að vinna í sláturhúsi. Þar kynnist hún köldum veruleika blóðugrar matvælaframleiðslu en líka fólkinu í þorpinu og upplifir fegurð og forvitni, nánd og hlýju.
Deig er undurfalleg ljóðabók um hráefni mannlegrar tilveru; hversdaginn og töfrastundirnar, fortíðina sem flæðir upp úr skúffum, framtíðina sem birtist á silfurmynd og griðastaði, bæði innan veggja heimilisins og utan þess. Bókin hlaut Bókmenntaverðlaun Tómasar Guðmundssonar árið 2026.
Vísnakver eftir Þórarin sem geymir yfir eitthundrað nýjar stökur hans, erindi eða kviðlinga undir ýmsum bragarháttum. Ótal teikningar eftir Hugleik Dagsson prýða bókina. Sumar þessara yrkinga nálgast það að vera einskonar spakmæli sem iðulega fá á sig spaugsaman blæ.
Bjarni M. Bjarnason hefur sent frá sér á þriðja tug bóka og hafa þær meðal annars komið út á færeysku, arabísku, þýsku og ensku. Verk hans eru margverðlaunuð og nú síðast var Dúnstúlkan í þokunni tilnefnd til Íslensku bókmenntaverðlaunanna.
Gamanleikir Hróðsvitu frá Gandersheim (10. öld. e.Kr.) eru fyrstu kristnu leikritin og fyrstu varðveittu leikrit heims samin af konu. Leikritin fjalla um togstreituna milli holds og anda, örvæntingar og fyrirgefningar, ranglætis og réttrar skipanar heimsins. Hér birtast gamanleikir Hróðsvitu í fyrsta sinn á íslensku, þýddir úr miðaldalatínu.
Hildur Eir Bolladóttir er prestur og skáld. Árið 2017 hlaut hún tilnefningu til Fjöruverðlaunanna fyrir Hugrekki – saga af kvíða. Þá hefur hún einnig gefið út ljóðabækurnar Líkn og Meinvarp auk smásögu sem kom út fyrr á þessu ári í Pastelritröðinni og ber heitið Prestur fer á stefnumót.
Ljóðaúrval
Eitt af höfuðskáldum Frakka á sinni tíð, dáður en umdeildur og átti í stormasömu sambandi við landa sinn, ljóðskáldið Arthur Rimbaud, sem leiddi til örlagaríkra atburða. Hér birtist í fyrsta sinn á íslensku úrval háttbundinna ljóða sem veita ágæta innsýn í skáldskap Verlaines auk fróðlegs og hnitmiðaðs eftirmála þýðandans.
Titill bókarinnar er vísun í heiðbláan íslenskan himinn og léttleikann sem fylgir því að verða ástfanginn. Í ljóðunum tvinnast saman tilfinningar og ferðalög um náttúru Íslands. Þetta er fyrsta ljóðabók höfundar.
Hannes Pétursson hefur verið meðal höfuðskálda þjóðarinnar í rúma sjö áratugi, eða frá því að hann kvaddi sér hljóðs með Kvæðabók árið 1955. Hjá Leyningsvötnum er tólfta ljóðabók Hannesar. Skáldinu er einskis vant á árstíð saknaðarins og það hefur ekki dregið úr dirfsku sinni við að takast á við nútímann.
Ljóðabók skrifuð af næmni og skarpsýni og fjallar um fegurðina í hinu óræða; undrin og töfrana sem við komum ekki alltaf auga á en búa í þögninni milli vélrænna hendinga samtímans.
Ljóðið fylgir okkur og eins getum við fylgt ljóðinu. Það tengir okkur við gang lífsins, lætur okkur staldra við og veita eftirtekt. Einnig verða ljóð til í andakt og geta þróast inn í ókunna hugarheima. Höfundur er geðhjúkrunar- og fjölskyldufræðingur og hefur starfað sem sérfræðingur í heilbrigðiskerfinu en jafnframt kennt í bæði HÍ og HA.
Kraftmikil ljóðabók um litríka uppreisn gegn þeim þrönga stakki sem samfélagið sníður konum. Bók sem er of hávær, of fjörug og fjallar um alltof stórar tilfinningar. Þetta er fyrsta ljóðabók höfundar en hún bar sigur úr býtum í handritasamkeppni Forlagsins, Nýjum röddum, árið 2022 með sögunni Getnaði.
Eyjólfur Ó. Eyjólfsson sendi fyrir nokkrum árum frá sér limrukver sem vakti heilmikla athygli. Nú hefur hann efnt í aðra slíka bók.
Sonnettusveigur
Krákustígar fjalla í 15 erindum um ævi konu sem neitar að láta aðra marka sér veginn, jafnvel þótt hún villist um stund í ástarþoku og þurfi að redda fleiru en sanngjarnt getur talist. Hún hrasar, syrgir, hlær, lærir, reisir sig við og heldur áfram, keik, að þræða sína eigin leið.
Í þessari bók birtast eftirlátin frumort kvæði, sögur, ritgerðir og fyrirlestrar Benedikts.