Hér má finna skemmtilegar, myndríkar og mátulega langar bækur fyrir börn á aldrinum 0-6 ára.
Hér er Ágúst – lundi sem elskar ævintýri! Hann ákveður að dvelja á Íslandi yfir veturinn og lendir í vetrarstormi. Með hjálp vitru uglunnar Júlíu uppgötvar hann norðurljósin og lærir hvernig ský, þoka og regnbogar myndast. Hlý og fyndin saga um veður, vináttu og bláberjakökur, fullkomin fyrir forvitna landkönnuði.
Snigilinn Skrúfu dreymir um að yfirgefa litla skerið sitt og skoða heiminn. Eina nóttina rætist óskin: Risastór hvalur kemur syndandi og býður henni far á sporði sínum. Og þá hefst ógleymanleg ævintýraferð, uppfull af undrum og hættum. Sjöunda bókin sem kemur út á íslensku eftir bresku metsöluhöfundana Juliu Donaldson og Axel Scheffler.
Tröll hafa byggt Ísland frá því löngu áður en menn settust hér að. Hér er hulunni svipt af lífsháttum tröllanna með sérstakri áherslu á litla tröllafólkið - sem er samt ekki svo lítið! Í þessari myndríku bók vekur Brian Pilkington magnaðan hulduheim til lífsins á sinn tröllskemmtilega og nýstárlega hátt. Einnig fáanleg á ensku.
Bók nr. 5 í bókaflokknum Kíkjum ... Í þessari bók er hægt að lyfta flipum og sjá meira um flugvélar. Einföld harðspjalda flipabók sem er bæði skemmtileg og fræðandi fyrir forvitna krakka 2 ára og eldri.
Fylgdu múmínsnáðanum sem rekur dularfulla slóð um allan vitann. Á leiðinni þarf að kanna öll herbergin, gá á bak við hurðir og inn í skápa. Hvar eru múmínmamma og múmínpabbi eiginlega? Skoðum vitann er bráðskemmtileg saga, kjörin fyrir alla unga múmínvini. Hér er fjölmargt áhugavert að skoða og finna!