Aðgát
Námsorðaforði með áherslu á hjúkrun fyrir nemendur með íslensku sem annað mál
Aðgát er námsbók ætluð nemendum með annað móðurmál en íslensku sem hyggjast stunda nám og/eða starfa innan heilbrigðisgeirans.
Fræðirit, frásagnir og handbækur
Síða 1 af 7
Að taka látið fólk af lífi
Faðir minn, löngu látinn heiðursmaður, lá sundurtættur í rafrænni gryfju. Að sjá hundruð kommenta hlaðast upp klukkustund eftir klukkustund, dögum saman, er eitt það skelfilegasta sem ég hef upplifað.
Ritröð Árnastofnunar 123 Agnesarkver
Saint Agnes of Rome in Post-Medieval Icelandic Verse
Í bókinni er fjallað um heilaga Agnesi sem talið er að hafi látið lífið aðeins 13 ára gömul í umfangsmiklum ofsóknum á hendur kristnum mönnum í Róm um 303–304 e.kr. Hún mun hafa neitað að giftast heiðnum syni háttsetts embættismanns og haldið fast við trú sína og sannfæringu þrátt fyrir hótanir og misþyrmingar.
Aleinn og mállaus
Safn ferðapistla höfundar frá áratuga einmanalegu rangli um jarðarkringluna. Hann tekur andköf og predikar en brýtur sjálfur allar reglur rétthugsandi manna um velsæmi, málfar og hugtök. Höfundur er ungur og óreyndur þegar hann hlýðir í blindni nakinni konu sem sendir hann inn á Vesturbakkann og eftir það flan er ekki aftur snúið.
Almanak Háskóla Íslands 2027
Auk hefðbundins efnis er fjallað um Veru Rubin stjörnuathugunarstöðina, sem tekin var í notkun sumarið 2025. Stöðin mun bylta sýn okkar og skilningi á alheimi. Þá er í annarri grein fjallað um nálægustu fjarreikistjörnurnar og stuttan pistil um örlög vetrarbrautarinnar og Andrómeduþokunnar. Loks er pistill um halastjörnuna 3I/ATLAS.
Almanak HÍÞ 2027 ásamt Árbók 2025
Hér er 153. árgangur Almanaks Hins íslenska þjóðvinafélags ásamt Árbók. Auk dagatals flytur almanakið margvíslegar upplýsingar, svo sem um sjávarföll og gang himintungla. Almakinu fylgir Árbók 2025 þar sem rakin eru helstu tíðindi ársins á ýmsum sviðum íslensks mannlífs.
Andvari 2026
Andvari er rit Hins íslenska þjóðvinafélags. Þetta er 151. árgangur en hinn 68. í nýjum flokki. Sem fyrr er Andvari fullur af menningarlegu og ævisagnalegu efni. Fræðigreinar á sviði sagnfræði, bókmennta og málfræði eru mest áberandi en einnig má í heftinu finna þrjár textaútgáfur.
Atómvenjur
Atómvenjur býður upp á aðferðafræði til að bæta sig – á hverjum degi. James Clear, einn fremsti sérfræðingur heims í venjumyndun, leggur fram hagnýtar aðferðir sem munu kenna þér nákvæmlega hvernig á að mynda góðar venjur, brjóta slæmar og ná tökum á þeirri litlu hegðun sem leiðir til ótrúlegs árangurs. Alþjóðleg metsölubók.
Autoritetens stemmer i Nordatlanten
Arkiv, forvaltning og samfund fra middelalder til nyere tid
Vestnorrænu löndin, Færeyjar, Grænland og Ísland, hafa átt sér ólíka sögulega þróun en um leið eiga samfélög þeirra margt sameiginlegt. Bókin fjallar um tilurð, þróun og hlutverk valinna embætta og kynnir jafnframt skjalasöfn þeirra. Markmiðið er að veita innsýn í hvernig ýmis stjórnvöld og embætti hafa þróast í þessum löndum í gegnum aldirnar.
Áfall hvað svo?
Höfundur hjálpar lesendum að skilja hvað felst í áföllum og hvaða áhrif þau geta haft á líf okkar. Hún gerir það á einkar aðgengilegan hátt sem auðveldar okkur að ná tengingu við þetta viðkvæma efni. Hún segir á einlægan og persónulegan hátt sögur úr eign lífi, frá áföllum sem hún hefur orðið fyrir eða orðið vitni að og tengir við fræðilegt efni.
Árið á Ítalíu
Árið 1990 heldur ung íslensk stúlka til Ítalíu sem skiptinemi með höfuðið fullt af draumum um frelsi fegurð og menningu. Í Feneyjum endar hún í sögufrægri höll við Canal Grande, þar sem hún býr hjá efnaðri ítalskri fjölskyldu sem lifir eftir ströngum reglum og stífum hefðum. Smám saman kemur í ljós að á bak við glæsileikann leynist annar veruleiki.
Huldurit nr. II BirkiVist – BirkiVera
Birki í menningu, listum og lífinu
Við samvist birkis og mannfólks á Íslandi hefur skapast einstakur menningarheimur. Fræða- og listafólk fjalla hér um fagurferðilegt, menningarlegt og samfélagslegt gildi birkis og veitt er innsýn í upplifun fólks af birkiskógum. Bókin er hluti af þverfaglega verkefninu BirkiVist og ritröðinni Huldurit sem helguð er umhverfishugvísindum.
Brú milli heima/Bridging Worlds
Greinasafn til heiðurs prófessor emerítus Guðrúnu Björk Guðsteinsdóttur sem hefur komið víða við í rannsóknum sínum og kennslu. Greinarnar leiða til umhugsunar á þeim viðfangsefnum sem Guðrún Björk hefur helgað sig: breskum og norður-amerískum bókmenntum, Ameríkufræðum, arfi íslenskra vesturfara og smásögum. Nálgast má eintök hjá ritstjórum.
Byggðarhorn í Flóa
Niðjatal
Hjónin Ingibjörg Sigurðardóttir og Gissur Gunnarsson voru ábúendur á bænum Byggðarhorni í Flóa í 36 ár, frá 1899 til 1935. Gissur fæddist í Byggðarhorni en afi hans og amma höfðu tekið þar við búsforráðum árið 1837. Gissur og Ingibjörg eignuðust 16 börn sem öll komust til manns. Teljast afkomendur þeirra nú vel á sjötta hundrað.
Dauðadæmd
Sakamál frá 18. öld
Sumarið 1769 var ung vinnukona á bænum Gerði í Skagafirði ákærð fyrir að hafa alið barn á laun og drepið það. Hún hét Oddný og var 22 ára gömul. Nokkru seinna var hún dæmd til dauða, hún skyldi hálshöggvast og höfuð hennar sett á stjaka. Í bókinni er saga Oddnýjar og dulsmálsins rakin en jafnframt lýst glímu kvenna við réttarkerfið á 18. öld.
Davíðstíminn
Sjálfstæð saga leiðtoga og lands
Á áttunda og níunda áratug síðustu aldar ákvað hópur ungra frjálshyggjumanna undir merkjum Sjálfstæðisflokksins að gera „uppreisn" og breyta Íslandi. Helsti leiðtogi þeirra varð Davíð Oddsson, sem átti eftir að verða einn áhrifamesti og jafnframt einn umdeildasti leiðtogi Íslands. Þetta er saga Davíðs og samfélagsins sem hann umbylti.
Djúpmannatal 1801-2022
Vestfjarðarrit V
Í þessu riti er að finna æviskrár Djúpmanna frá manntalinu 1801-2022, þeirra sem stofnuðu til heimilishalds við Ísafjarðardjúp í þrjú ár eða lengur á umræddu tímabili. Listi yfir bæjanöfn er aftast í ritinu, ásamt ábúendatali og korti. Myndir eru af mörgum ábúendum og býlum í Ísafjarðardjúpi.
Drangeyjarsaga
Saga Drangeyjar rakin og greint ítarlega frá þeim margvíslegu nytjum sem Skagfirðingar hafa haft af eyjunni, bæði fuglaveiðum, eggjatekju, fiskveiðum, búfjárhaldi og slægjum – og loks ferðaþjónustu á síðustu árum. Sagt er frá sigmönnum í Drangeyjarbjargi, djarffærni í klettum, slysförum á sjó og landi og mannlífinu í þessari gjöfulu veiðistöð.