Að taka látið fólk af lífi
Faðir minn, löngu látinn heiðursmaður, lá sundurtættur í rafrænni gryfju. Að sjá hundruð kommenta hlaðast upp klukkustund eftir klukkustund, dögum saman, er eitt það skelfilegasta sem ég hef upplifað.
Fræðirit, frásagnir og handbækur
Síða 1 af 2
Aleinn og mállaus
Aleinn og mállaus er safn ferðapistla höfundar frá áratuga einmanalegu rangli um jarðarkringluna. Hann tekur andköf og predikar en brýtur sjálfur allar reglur rétthugsandi manna um velsæmi, málfar og hugtök.Höfundur er ungur og óreyndur þegar hann hlýðir í blindni nakinni konu sem sendir hann inn á Vesturbakkan og eftir það flan er ekki aftur snúið
Áfall hvað svo?
Höfundur hjálpar lesendum að skilja hvað felst áföllum og hvaða áhrif þau geta haft á líf okkar. Hún gerir það á einkar aðgengilegan hátt sem auðveldar okkur að ná tengingu við þetta viðkvæma efni. Hún segir á einlægan og persónulegan hátt sögur úr eign lífi, frá áföllum sem hún hefur orðið fyrir og orðið vitni að og tengir við fræðilegt efni.
Árið á Ítalíu
Árið 1990 heldur ung íslensk stúlka til Ítalíu sem skiptinemi með höfuðið fullt af draumum um frelsi fegurð og menningu. Í Feneyjum endar hún í sögufrægri höll við Canal Grande, þar sem hún býr hjá efnaðri ítalskri fjölskyldu sem lifir eftir ströngum reglum og stífum hefðum. Smám saman kemur í ljós að á bak við glæsileikann leynist annar veruleiki.
Evrópsku járnfákarnir
Saga evrópskra mótorhjóla á Íslandi
Mótorhjólið hefur í meira en öld verið tákn frelsis og ævintýraþrár. Um leið endurspeglar heillandi saga þess tækniframfarir og breytta tíma. Í þessari bók er rakin saga evrópskra mótorhjóla hér á landi – frá fyrstu hjólunum sem ruddu sér leið um íslenska vegi til þeirra fjölbreyttu gerða sem síðar urðu hluti af samfélaginu.
Ég vil ekki vera vinur þinn
Sorgarsaga úr íslenskri stjórnsýslu
„Þetta var hryllilegasti dagur lífs míns” segir Pétur en þann dag var hann borinn þeim sökum að hafa áreitt samstarfskonu sína kynferðislega. Heimurinn fór á hvolf og hann skildi hvorki upp né niður.
Gáttir
Heimsbókmenntir á Íslandi 1913 – 1943
Fullveldisárin voru tímabil umróts í íslensku menningarlífi. Í hinu nýja fullvalda ríki var lögð áhersla á að byggja upp kröftuga íslenska nútímamenningu og mikilvægur liður í því verkefni var að kynna nýjustu og mikilvægustu strauma alþjóðlegra bókmennta fyrir lesendum. Í Gáttum er sjónum beint að margbrotinni þýðingaútgáfu þessa tímabils.
Helförin
Í nýju ljósi
Um Helförina er jafnan spurt: Hvernig í ósköpunum gat þetta gerst og hvers vegna? Breski sagnfræðinginn Laurence Rees hefur um aldarfjórðungsskeið rætt við fólk sem lifði Helförina af og einnig þá sem stóðu fyrir henni. Fáar bækur svara þessum spurningum með jafn mannlegum og tæmandi hætti og þessi marglofaða bók.
Hernámsæskan
Áhrif seinni heimsstyrjaldarinnar á íslenskt æskufólk
Það má segja að hernámið sé ein stærsta stundin í sögu þjóðarinnar. En hvernig upplifðu Íslendingar stríðsárin og hver voru samskiptin við herinn? Með því að skoða þessi örlagaríku ár út frá unga fólkinu má draga upp mynd af miklum umbrotum. Herinn kom með vopn og vinnu en honum fylgdu einnig menningarstraumar sem höfðu mikil áhrif á æskulýðinn.
Kortlagning Íslands
Íslandskort 1482-1850
Hér eru helstu Íslandskort prentsögunnar birt saman í allri sinni litadýrð. Reynir Grétarsson hefur um árabil safnað Íslandskortum og rekur hann á lifandi og skemmtilegan hátt þessa merku sögu.
Kvartmíluklúbburinn 1975-2025
Ágrip af hálfrar aldar sögu
Hér er „brunað“ í gegnum 50 ára sögu Kvartmíluklúbbsins. Greint er frá skrautlegum aðdraganda að stofnun hans og fjölmörgum ökumönnum er fylgt eftir á misjöfnum ökutækjum. Við sögu koma prjónandi kryppa, græn padda, kókosbolla, sérbökuð vínabrauðslengja, auk allra Monzanna, Chevrolettanna, Pontiacanna, Camaroanna, Willysanna og Yamaha-hjólanna.
Svipmyndir úr 100 ára sögu Landhelgisgæsla Íslands 1926-2026
Landhelgisgæsla Íslands hefur staðið vaktina í 100 ár. Hún nýtur mikils velvilja landsmanna og meira trausts en aðrar íslenskar stofnanir. Í þessari bók er tæpt á því helsta sem við hefur borið hjá Landhelgisgæslunni, björgunarstörfum, átökum á miðunum og mörgu öðru. Magnaðar myndir prýða bókina.
Longships and Sod Houses
A Thousand-Year Journey from Viking Iceland to the Dakota Plains
Gary Goodman heyrði fyrst á ættarmóti að forfaðir hans í 24. lið hefði verið skáldið og vígamaðurinn Egill Skallagrímsson. Þessi uppgötvun varð honum hvatning til að komast að því hvaða leið forfeður hans höfðu farið frá Íslandi miðalda til sléttanna í Norður-Dakóta á síðari hluta 19. aldar.
Mið-Austurlönd
Fortíð, nútíð og framtíð – uppfærð útgáfa
Áleitnar hörmungarfréttir frá Mið-Austurlöndum berast okkur nær daglega og margt sem þar er sagt á rætur í afskiptum Vesturlanda. Yfirlitsrit þar sem fjallað er um helstu atburði í heimshlutanum af fordómaleysi og þekkingu er nauðsyn til skilnings á samtíma okkar. Hér er komin ný og uppfærð útgáfa þessa yfirgripsmikla og aðgengilega rits.
Morð í Múlasveit
Niðursetningurinn Einar Gíslason deyr vofeiflega í fjárhúsunum Skálmardal í Múlasveit. Slys segir bóndinn Jón rúgkútur. En sár á höfði og járnnaglar sem reknir eru upp í iljar þess látna segja aðra sögu. Hér er rakin hrollvekjandi spennusaga sem byggir á heimildum úr skjölum og rannsókn af vettvangi. Mögnuð frásögn af dularfullu sakamáli á 19. öld.
Mosinn og móðir jörð
Í þessari bók rekur Bjarki Bjarnason sögu Mosa og hvernig þessum grasrótarsamtökum tókst að hafa veruleg áhrif á nýtingu landgæða í Mosfellsbæ með því að beita sér gegn óhóflegri malartekju. Mosi vann einnig að göngustígagerð meðfram Varmá, brúarsmíði yfir Úlfarsá og fleiri framfaramálum í sinni heimabyggð. Útgáfan er tileinkuð Andrési Arnalds.
Ópera – Á ferðalagi um sögu listformsins
Óperuheimurinn er mörgum hulinn en hér eru lesendur leiddir með aðgengilegum hætti í gegnum sögu óperunnar, allt frá Monteverdi til Brittens, þar á meðal með um 130 tóndæmum.
Ótíð í víti
Lífsreynslusaga
Einstök og allt öðruvísi bók úr smiðju Gyrðis Elíassonar. Hér deilir hann með lesendum erfiðri lífsreynslu og dregur ekkert undan. Átakanleg og einlæg frásögn.