Hver var þessi undarlegi hlutur sem krakkarnir fundu í kartöflugarðinum? Hvers vegna tók flugmaðurinn hann af þeim og lét þau fá lakkrískonfekt í staðinn? Hvernig eiga þau að endurheimta hlutinn? Spennandi, fyndin, vonandi dálítið fróðleg en samt aðallega ævintýralega hversdagsleg saga! Myndir eftir Þórarin Má Baldursson.
Tinna er veðurteppt á sjúkrahúsi í litlum bæ úti á landi þar sem hún kynnist Dóru, dóttur yfirlæknisins. Drungalegir atburðir gerast þegar þær hætta sér inn á lokaða deild á sjúkrahúsinu. Fúllyndur hjúkrunarfræðingur eltir þær á röndum og áður en þær vita af eru þær flæktar inn í atburðarás sem reynist þeim lífshættuleg.
Alls staðar birtast fréttir um fífldjarfan þjóf sem stelur ómetanlegum dýrgripum. Glæpirnir minna á loppuför alþjóðalega skartgripaþjófsins SVÖRTU KISUNNAR - ömmu hans Benna. En amma er dáin og hver í ósköpunum gæti framið þessa ósvífnu glæpi? Getur Benni leyst málið?
Æsispennandi framhald metsölubókarinnar Bannað að eyðileggja. Til viðbótar við litríka og fjöruga fjölskylduna þurfa Alexander og Sóley nú að glíma við harðsvíraðan eineltispúka og alvöru glæpamann! Þegar Alexander þarf að bjarga mannslífum er ADHD-ið reyndar bara hjálplegt. Eldfjörug saga prýdd fjölda mynda.
Sumir þekkja Björgvin Pál sem markmanninn hressa úr handboltanum. Aðrir þekkja hann sem einlæga og berskjaldaða strákinn úr fyrirlestrunum hans eða ævisögunni. Færri vita hins vegar um reiða og hrædda strákinn sem réð ekki við tilfinningar sínar. Sem grét í einrúmi, var einmana og hræddur. Sem komst yfir hindranirnar og alla leiðina á toppinn.
Jósefína er alveg ákveðin í að vilja ekki vera með vinkonum sínum í sjötta bekk og reynir að fá foreldra sína til að leyfa sér að skipta um skóla. En hvað með Lúkas, sætasta strákinn í skólanum, sem vill endilega að hún verði kyrr? Og er hún tilbúin til að missa vinkonur sínar að eilífu?
Bekkurinn minn - lauflétt að lesa er einfaldari útgáfa af hinum vinsæla bókaflokki Bekkurinn minn. Hver bók er sögð frá sjónarhorni eins nemanda í íslenskum grunnskóla. Sögurnar eru áhugaverðar og spennandi og henta einstaklega vel fyrir þá sem eru að stíga sín allra fyrstu skref á lestrarbrautinni.
Fimmta bókin í hinni frábæru seríu um Bold-fjölskylduna. – Amma Ímamú kemur í heimsókn alla leið frá Afríku og er ekki skemmt þegar hún sér að Bold-fjölskyldan er farin að apa allt eftir mannfólkinu. Hún ákveður að breyta þessu og fá barnabörnin sín til að haga sér eins og alvöru híenur – jafnvel í skólanum. Og þá fyrst byrjar nú ballið ...
Viltu kynnast Fróða? Hann hefur óteljandi ósiði! Hann er að springa úr geggjað ógeðslegum hugmyndum. Í bókinni eru þrjár sjálfstæðar sögur: Lottóvinningurinn, Bakarabasl og Djöfladúkkan. Góðar lestrarbækur fyrir 8 ára og eldri með fínu letri og góðu línubili.
Ef þú ert að leita að vandræðum þá þarftu ekki að leita lengra - Fróði er mættur með sínar hræðilegu hugmyndir! Í bókinni eru þrjár sjálfstæðar sögur: Sýklar, Danskeppnin og Gelgjan. Góðar lestrarbækur fyrir 8 ára og eldri með fínu letri og góðu línubili.
Í þessari bók ætlar Jónsi að heimsækja slökkvistöðina - án Binnu! Verður eins gaman að fara án besta vinar síns? Bækurnar um Jónsa henta vel fyrir yngstu lesendurna.
Loksins færðu að vita hvað Magga var valin í. Ekki nóg með það heldur ætlar Magga sjálf að segja þér frá því. Eða alveg þangað til hún lendir í sjúklega hræðilegum umboðsmönnum og ég þarf að bjarga málunum. Ég get alls ekki sagt þér meira án þessa að spilla fyrir lestrinum. En ef þér fannst MÖGGU MESSI BÓKIN skemmtileg þá áttu eftir að elska þessa.
Hávarður, Maríus og Bartek eru mættir aftur. Það styttist í jól og holupotvoríurnar hafa ekki gefist upp. Þeim hefur meira að segja borist andstyggilegur liðsauki. Og hver er þessi Ófelía? Er hún holupotvoría í dulargervi? Útsendari þeirra? Eða eitthvað miklu hættulegra? Myndir eftir Blævi Guðmundsdóttur.
Enn er eitthvað dularfullt á seyði í hverfinu. Reiðhjól hverfa úr hjólaskýlinu við blokkina sem Katla, Hildur og Bensi búa í. Krakkarnir taka til sinna ráða og reyna að komast til botns í málinu. Rannsóknin tekur óvænta stefnu en skyldi þeim takast að leysa gátuna, aftur? Myndir eftir Elínu Elísabetu.
Ráðgátubækurnar henta vel fyrir krakka sem vilja æfa lesturinn því letrið er stórt og setningarnar stuttar. Það ríkir neyðarástand í gæludýrabúð Víkurbæjar. Dýrin eru óútskýranlega slöpp en spæjararnir og dýravinirnir Lalli og Maja trúa því varla að einhver sé að eitra fyrir þeim! Ríkulega myndskreytt metsölubók.
Þegar lúsafaraldur brýst út í skólanum hans Kaktuss bregður leiðsögumaðurinn mamma hans á það ráð að taka hann með sér í vinnuna. Kaktusi þykir íslensk náttúra ekki jafn svakalega spennandi og hinum rútufarþegunum en hann skiptir snögglega um skoðun þegar hann rekur augun í eitthvað rauðglóandi í fjarska ...
Hörkuspennandi fótboltaleikur Víkurbæjar og Sólbakka stendur sem hæst þegar verðlaunabikarinn hverfur skyndilega. Lögreglustjórinn er sveittur í markinu og á erfitt með að leysa gátuna. Það kemur því í hlut spæjaranna Lalla og Maju að leggja lævísar gildrur fyrir þau grunuðu! Skemmtileg saga með bráðfyndnum litmyndum á hverri opnu.
Þegar Fjólu er sagt að jólasveinarnir séu ekki til hefst hún strax handa við að afsanna þær fáránlegu fréttir. Þá kemur óvænt að góðum notum að stóri bróðir hennar hefur stjórnlausan áhuga á ófreskjum og veit allt sem hægt er að vita um skrímsli Frankensteins. Sprenghlægileg jólasaga eftir verðlaunahöfund sem kemur sífellt á óvart.