Síða 1 af 6
Sigrún er þrettán að verða fjórtán og búin að ákveða að hún sé hætt að vera lúði – sérstaklega nú þegar Aníta er flutt í götuna. En ef hún ætlar að verða vinkona Anítu verður ýmislegt að breytast í lífi hennar. Með hjálp nýju vinkonunnar ræðst hún í verkefnið með ófyrirséðum, og stundum bráðfyndnum, afleiðingum.
Atli fær verk í eina tönnina og mamma fer með hann til Elfu tannlæknis. Á biðstofunni hittir hann Láru og Ljónsa. Atla finnst tannlæknastóllinn eiginlega vera eins og geimskip úr framtíðinni, með lítil geislasverð, kíki og slímbyssur. Spennandi! Bækurnar um Láru, Ljónsa og Atla eru litríkar og fallegar, skemmtilegar sögur sem krakkar hrífast af.
Handritasafnarinn Árni Magnússon vaknar einn morguninn og er búinn að týna hárkollunni sinni. Hann fær eina slíka lánaða hjá biskupnum. Þennan sama dag finnur hann sannkallaðan fjársjóð á bænum Heynesi, sem hann nær með naumindum að bjarga frá glötun. Getur verið að hárkolla biskupsins sé happagripur?
Helga vill miklu frekar fara í hvalaskoðun með afa en að mæta í skólann. Þegar fjarvistirnar safnast upp er hún send á námskeið fyrir börn í vanda. Hún þarf auðvitað ekkert á því að halda en úr því að hún neyðist til að mæta getur hún að minnsta kosti reynt að kynnast sæta fótboltastráknum og hrint feimna sveitastráknum út fyrir þægindarammann.
Bananar eru mest seldu ávextir á Íslandi, en Pálmi veit álíka mikið um banana og flest okkar – sama sem ekki neitt. Hann er nýfluttur í blokk þar sem hann þekkir engan og honum leiðist óskaplega. Þegar foreldrar hans gefa honum framandi túkanfugl hressist Pálmi við, allt þar til fuglinn sleppur út í hrímkalt skammdegið.
Barnapíuklúbburinn. er nú loksins kominn út á íslensku en bækurnar um klúbbinn hafa selst í meira en 190 milljónum eintaka á heimsvísu.
Þessi bók fjallar um Davíð og Lólu, músina hans. Einn daginn laumar Lóla sér með í skólann og leikur þar lausum hala. Davíð og vinir hans verða að finna Lólu áður en bjallan hringir. Einfaldari útgáfa af hinum vinsæla bókaflokki Bekkurinn minn.
Þessi bók fjallar um Óðin. Hann er dapur þessa dagana því það snjóar aldrei og mömmur hans vilja losa sig við kisuna þeirra. Það má ekki gerast! Sem betur fer eru Óðinn og Halldóra með fullkomna lausn á málinu. Einfaldari útgáfa af hinum vinsæla bókaflokki Bekkurinn minn.
Þessi bók fjallar um Hallgrím. Þegar þeir Amir spila fótbolta við eldri krakka heyra þeir sögu sem ásækir þá. Át ísbjörn í alvörunni handlegginn af Úlfi? Eða var það hákarl ... ? Einfaldari útgáfa af hinum vinsæla bókaflokki Bekkurinn minn.
Þessi bók fjallar um Wiktoriu og besta leiksvæðið í bænum. Það á að skemma móann og hólinn og byggja blokk í staðinn. Wiktoria og vinir hennar taka höndum saman og mótmæla. Einfaldari útgáfa af hinum vinsæla bókaflokki Bekkurinn minn.
Binnu finnst gaman að leika sér við hundinn Ottó. Allir dá hundinn en það er erfitt að finna einhvern til að taka hann að sér. Tekst Binnu að finna honum varanlegt heimili?
Barnabókaverðlaun Guðrúnar Helgadóttur 2026! Skólinn er byrjaður aftur, sem er ekki gaman þegar maður á enga vini. Ari ætlar að lifa veturinn af með því að fela sig - en undarlegir hlutir eru að gerast. Hrikalega pirrandi stelpa er flutt í næsta hús við afa og einhver er staðráðinn í að leggja skólann í rúst ...
Partýklúðrið
Kiddi er ekki mikið fyrir óvæntar uppákomur – allra síst þegar afmælið hans er annars vegar. Hans eina afmælisósk er að eignast sjaldgæfa ofurskrímslamynd sem kostar fúlgur fjár. Kiddi er með áætlun um hvernig hann ætlar að ná henni og ákveður að halda fullkomna afmælisveislu. Bækurnar um Kidda klaufa eru metsölubækur um allan heim.
Vei þeim, sem vekja hina látnu
Heldurðu að lífið þitt sé galið? Freddi býr í kirkjugarði. Á kvöldin gengur hann úr skugga um að öll grafhýsin séu læst. Freddi getur gert sér upp sorgarvip og mætir, eftir pöntunum, þegar syrgendur vantar í fámennar jarðarfarir. – Eðlilegt? Varla
Sannkallaðir töfrar eru fólgnir í fullkomnum dans- og tónlistarflutningi. Min er fæddur dansari og hana hefur alltaf dreymt um að verða K-pop stjarna. Í hópnum hennar eru feimna Soo og Ivy sem þarf alltaf að sýna sig og sanna. Ef stelpurnar ná saman geta þær leyst stjörnukraftinn úr læðingi og breytt heiminum.
Svava er að útskrifast úr grunnskóla. Á þessu síðasta ári fékk hún að vita að faðir hennar sem alið hefur hana upp er ekki blóðfaðir hennar. Svava fékk lítið að vita meira um hann og því skipuleggur hún leynilega ferð ásamt Agli kærasta sínum norður í land til að reyna á finna hann. Sú ferð er ekki þrautarlaus og lenda þau í hinum ýmsu raunum.
Harpa og Hrói leggja af stað í mjög sérstakan leiðangur. Harpa ætlar að veiða dreka og elda úr honum afmælismáltíð handa mömmu sinni en Hrói þarf að fara í erfiða sendiferð fyrir afa sinn. Saman lenda þau í stórskemmtilegum uppákomum! Sígild saga eftir einn ástsælasta barnabókahöfund þjóðarinnar. Þessi nýja útgáfa er tilvalin í heimalesturinn!
Leynifélaginu berst óvænt bréf á dulmáli! Hvað stendur eiginlega í því? Hver skrifaði það? Tekst félögunum í leynifélaginu að leysa ráðgátuna?