Síða 1 af 5
Bækurnar fjalla um ævintýralegt hversdagslíf tveggja óvenjulegra vina. Janís er uppátækjasamur strákur sem elskar grímur og búninga. Vinur hans, Kappi, er ruslakarl sem hefur verið tjaslað saman. Janís bjó hann sjálfur til úr ýmsu dóti sem hann fann inni í herberginu sínu. Það þarf bara örlítið ímyndunarafl - þá gerast undraverðir hlutir!
Í afmælisveislu Múhameðs Karat fer rafmagnið skyndilega af matsalnum og í niðamyrkrinu hverfur demantshálsfesti Barböru konu hans! Sem betur fer eru spæjararnir Lalli og Maja í veislunni – en hér er á ferð skúrkur sem svífst einskis. Spennandi ráðgáta með litmyndum á hverri opnu. Frábær bók fyrir þau sem vilja byrja að lesa sjálf.
Hjartnæm og fyndin barnabók sem segir frá ömmu sem hoppar á trampólíni, gerir kollhnísa og getur borðað ótrúlegt magn af nammi. Það sem er hinsvegar farið að gerast hjá ömmu í dag er að hún er farin að gleyma.
Bekkurinn hans Jónsa greiðir atkvæði um hvort þau vilji fara í bíó, Húsdýragarðinn eða Ævintýragarðinn. Jónsi á erfitt með að ákveða sig en tekst það að lokum?
Foreldrar Birtings eru í uppeldisátaki og ætla að taka af honum símann í sumar. Svo segja þau bara glottandi að hann geti keypt sér síma sjálfur ef þetta er svona hræðilegt (sem það er)! Birtingur safnar dósum, selur dót og lýgur smá … og platar smá … en svo er hann nappaður! Af bekkjarsystrum sínum, Aldísi og Birtu … og þá fyrst fer allt í rugl!
Björgum móanum! Fjallar um Wiktoriu og besta leiksvæðið í bænum. Börnin frétta af því að það eigi að byggja risastóra blokk í miðju hverfinu. Það má ekki gerast! Þau taka höndum saman og mótmæla.
Lífið gengur sinn vanagang í Bjarkarey í Norðanhafi. Matti er í pössun hjá Hagbarði vitaverði og allt er með kyrrum kjörum þar til að uppfinningakonan Katarína Kristrós kemur í heimsókn á undarlegum bíl sem gengur ekki fyrir eldsneyti, heldur bröndurum. Brandarabíllinn er fyrsta bókin í sprenghlægilegum bókaflokki eftir Sváfni Sigurðarson.
Í bókinni eru fjórar sannar sögur af börnum sem leika sér frjáls og uppátækjasöm á bæ í sveit. Ýmislegt kemur upp á og börnin grípa til sinna ráða sem gefast...
Sull og bull
Hér er komin 19. bókin í þessum vinsælasta bókaflokki heims. Stórfjölskyldan er öll saman í fríi. Þetta er uppskrift að stórslysi – en uppskriftir koma einmitt hér við sögu, því kjötbollurnar hennar ömmu eru orðnar frægar og uppskriftin er algjört leyndarmál. Það hlýtur að sjóða upp úr þessum kraumandi fjölskyldupotti.
Á hverju vori fer Dísa í sveitina í sauðburð og finnst alltaf jafn gaman. Hún kynnist dýrum og fólki og leikur sér við dýrin. Dísa kynnist sveitalífinu og í þessari sögu er fylgst með henni í einni slíkri ferð. Sveitalífið getur verið alls konar, sérstaklega fyrir borgarbarnið.
Binna og vinir hennar hafa stofnað leynifélag. Það er bara eitt vandamál – hvaða leynilegu ráðgátur eiga þau eiginlega að leysa? Binna spæjari er nýr bókaflokkur um Binnu fyrir lesendur sem eru lengra komnir.
Í þessari bók er Binnu boðið í brúðkaup. Hún er búin að finna fullkomið dress og bíður spennt eftir deginum. Hvað gerist þegar brúðkaupið er ekki eins og hún var búin að ímynda sér?
Hér segir frá ævintýraferð systkinanna Freyju og Frikka til Galapagoseyja með pöbbum sínum. Þar dvelja þau um borð í bátnum Drottningunni af Galapagos ásamt ferðalöngum frá öllum heimshornum. Brátt fara undarlegir atburðir að gerast og ljóst er að eitthvað gruggugt á sér stað um borð, eitthvað sem tengist sérstöku dýralífi eyjanna.
Hræðilega skemmtileg saga fyrir krakka á öllum aldri. Hamstrar eru mjög sætir! Og alls ekki hættulegir! Tja, allir nema einn. Edda er nýflutt upp í sveit þegar hún eignast sætasta hamstur heims. En hann er frekar leiðinlegur. Og heldur fyrir henni vöku á nóttunni. Svo Edda gerir nokkuð mjög slæmt. Hún skilur búrið eftir opið svo hamsturinn týnist.
Skondna bláa skrímsli vill ekki að krakkar fletti bókinni út af sviðsskrekk. Því kvíðir fyrir að stíga á stokk. En Nessí vinkona hjálpar til við að hughreysta vin okkar Wiz. Hann kemst að því að það eina sem skiptir máli er að gera sitt besta og hafa gaman.
Eru krakkar skyldugir til að biðja fullorðna um aðstoð við allt sem er spennandi, skemmtilegt eða krefjandi? 6. bekkingarnir og frændsystkinin Þórunn og Santiago lenda í óvæntum aðstæðum og taka málin í sínar hendur. Við tekur skrautlegt tímabil þar sem eini fasti punkturinn í tilverunni er sjónvarpsfréttaáhorf heima hjá ömmu og afa.
Einu sinni var Fíasól á flandri og um það var skrifuð bók. En auðvitað var það ekki sagan öll. Mikilvægum staðreyndum var leynt. Ekkert var sagt frá fáránlegum leiðangri í skemmtigarð þar sem skuggalegt fólk og framandi dýr komu við sögu. Fíasól og fjölskyldan ætluðu að þegja yfir ævintýrinu en nú er kominn tími til að leysa frá skjóðunni.
Það ríkir hungursneyð á Íslandi. Solla er nýorðin tólf ára þegar mamma hennar segir henni að til að lifa af þurfi þær að yfirgefa kotið sitt. Solla getur ekki ímyndað sér hvert þær geti flúið. Þær eiga engan að nema hvor aðra. Hvern ætlar mamma að biðja um hjálp? Og hvaða leyndarmál geymir hún sem Solla má ekki vita? Áhrifarík verðlaunabók.