Athugið að þessi bók er úr eldri útgáfu Bókatíðinda og birt hér með fyrirvara um mögulega sé ekki um að ræða nýjustu upplýsingar. Hafið samband við útgefanda til að fá nánari upplýsingar um hvort bókin sé fáanleg.

Orðaglingur

Höfundur Magnús Jóel Jóhannsson

Ljóðin eru í bundnu máli og fjalla um margvísleg efni. Þau bera vott um listfengi og fljúgandi hagmælsku auk víðtækrar þekkingar á íslenskri tungu, bragformi og skáldamáli að fornu og nýju. Það einkennir ljóðagerð Magnúsar hversu óvenju margvíslegum bragarháttum hann yrkir undir.

Magnús J. Jóhannsson fæddist að Gufuskálum á Snæfellsnesi í nóvember 1922. Á æskuheimilinu bjó föðuramma hans, sem hann mat mikils, vel hagmælt og hafsjór af rímum og öðrum kveðskap. Strax á barnsaldri hóf Magnús að setja saman vísur og svo fór að vísna- og ljóðagerð var hans helsta hugðarefni um ævina. Í ljóðum Magnúsar birtist ást hans á náttúrunni, landinu, jurtum og dýrum og vinarþel til samferðafólks. Ljóðin eru um margvísleg efni og bera vott um listfengi og fljúgandi hagmælsku auk víðtækrar þekkingar á íslenskri tungu, bragformi og skáldamáli að fornu og nýju. Svo er kímnin aldrei langt undan. Samkvæmt ummælum Kristjáns Eiríkssonar cand. mag. í íslenskum fræðum,mun líklega ekki hafa komið út ljóðabók frá því fyrir sl. aldamót sem inniheldur ljóð ort með sambærilegan fjölda bragarhátta.

Magnús hélt áfram að yrkja langt fram á elliár, en hann lést síðsumars 2014 á 92. aldursári og lét eftir sig mikinn fjölda kvæða og lausavísna. Í þessari bók er tekið saman úrval ljóða hans og vísna, en hluti þeirra hefur ekki áður birst á prenti.

Útgefandi Sigríður Magnúsdóttir, Margrét Magnúsdóttir og Guðlaug Magnúsdóttir
Ljóð og leikhandrit