Raddir daganna
Hannes byrjaði ungur að fást við ljóðagerð. Í fyrstu var kveðskapurinn aðallega lausavísur og gamanbragir en með árunum jókst fjölbreytnin uns eftir stóð þroskaður höfundur. Móðir jörð skipar hæstan sess í ljóðum hans, svo og mannleg náttúra og eðli lífs og tilveru sem hann setur gjarnan í spaugilegt samhengi. Hér er um fyrstu bók höfundar að ræða og hún er tuttugasta og fyrsta bókin í flokknum Austfirsk ljóðskáld.