Sannar sögur af einhverjum helvítis kalli í Mosfellsbæ
Hér er sagt frá starfsleyfislausri loðfeldaverkun, fegurðarsamkeppnum og fjöldamorðingjum, eltihrellum og erfidrykkjum. Allt tíundað af mikilli nákvæmni og smásmygli svo úr verður bráðfyndin og brotakennd en lifandi mynd af ævi einhvers helvítis karls í Mosfellsbæ.
Hér er sagt frá minnisstæðum atburðum í lífi miðaldra karls sem hefur ýmsa fjöruna sopið. Hvort sem er af starfsleyfislausri loðfeldaverkun, ótta við að upp komist misferli á miðilsfundi, innbrotum erlendis, ógleymanlegri brúðkaupsferð, fegurðarsamkeppnum og fjöldamorðingjum, eltihrellum og erfidrykkjum. Nytjastuldur á embættisbifreið forsetaembættisins kemur við sögu, sem og gisting með gelískum sniglum og snjáldurmúsum í ævafornum kastala. Og margt fleira. Allt er þetta tíundað af mikilli nákvæmni og
smásmygli svo úr verður brotakennd en lifandi mynd af ævi einhvers helvítis karls í Mosfellsbæ.