Athugið að þessi bók er úr eldri útgáfu Bókatíðinda og birt hér með fyrirvara um mögulega sé ekki um að ræða nýjustu upplýsingar. Hafið samband við útgefanda til að fá nánari upplýsingar um hvort bókin sé fáanleg.

Afi minn stríðsfanginn

  • Höfundur Elín Hirst
Forsíða kápu bókarinnar

Skömmu eftir að Bretar hernámu Ísland í síðari heimsstyrjöldinni handtóku þeir alla Þjóðverja sem bjuggu á landinu, skipti þá engu hvort þeir studdu málsstað nasista eður ei. Karl Hirst, afi Elínar Hirst, var einn þessara manna og beið hans eins og hinna vist í fangabúðum í Englandi. Og þegar vistinni í fangabúðunum lauk tók við annar hryllingur.

Að stríði loknu gekk illa að fá leyfi fyrir þessa menn að snúa heim til vina sinna og fjölskyldna – dómsmálaráðherrann vildi ekki sjá þessa menn á Íslandi. Þetta mál olli miklum sviptingum og í kjölfarið var mynduð ný stjórn sem gerði Þjóðverjunum auðveldara að snúa heim.

En ekkert var sem áður, þessir menn voru niðurbrotnir og sum hjónaböndin þoldu ekki álagið. Dvölin í fangabúðum Englendinga hvíldi þungt á þessum fjölskydum, kynslóð fram af kynslóð.