Drekarnir sjö eru umfram allt góðir. Þeim þykir vænt um manneskjurnar, sérstaklega börn. Þeir elska börn. Drekarnir vernda jörðina, þeir vernda hafið, gróðurinn og dýrin. Svo eru þeir rosalega skemmtilegir, alltaf til í glens og gaman. Hægt er að skanna QR-kóða og hlýða á tónlist eftir Rory Murphy við sögur drekanna.
Bjarni M. Bjarnason hefur sent frá sér á þriðja tug bóka og hafa þær meðal annars komið út á færeysku, arabísku, þýsku og ensku. Verk hans eru margverðlaunuð og nú síðast var Dúnstúlkan í þokunni tilnefnd til Íslensku bókmenntaverðlaunanna.
Úlfar var djúpt sokkinn í að setja saman marglaga minningar þegar hann var skyndilega úrskurðaður dauðvona. Það bætti nýrri vídd við verkið – lífið breytist þegar dauðinn er afhjúpaður þar sem hann liggur í leyni.
Baldur og Nanna virðast lifa hinu fullkomna lífi, hann lögmaður, hún innanhússhönnuður á leið aftur út á vinnumarkaðinn – en hvað gerist þegar hjónabandið verður fyrir ágjöf? Sambandsráðgjafinn Karitas hefur sjálf átt í stuttum samböndum en öllum hefur lokið áður en ástin kom til sögunnar.
Vinkvennahópur er mættur á gönguskíðanámskeið á glænýtt lúxushótel í Héðinsfirði, þar sem annars enginn býr. Hótelið er í eigu einnar úr hópnum, hinnar dularfullu Herdísar Karlsdóttur, uppgangskonu sem hefur auðgast mjög í tæknigeiranum. Fljótlega kemur á daginn að gamlar væringar krauma enn undir og á þriðja degi finnst ein úr hópnum myrt.
og fleiri sögur
Þessi bók hefur að geyma safn glæpasmásagna eftir Ragnar Jónasson og kom út í tilefni af stórafmæli hans í sumar. Sögurnar nítján hafa orðið til á löngum tíma og skrifaðar af ýmsum tilefnum. Allar hafa þær birst erlendis og um helmingur á íslensku í blöðum og tímaritum.
Draumarnir rætast
Lói verður eftir þegar mamma hans og langbesti vinur hans, Lóa, fljúga til heitu landanna að hausti. Til þess að lifa veturinn af verður hann að komast á Paradísarvelli þar sem er alltaf hlýtt – og skjól fyrir illfyglinu Skugga. Það gengur þó ekki þrautalaust því að hann þarf að takast á við vetrarstorma og margvíslegar hættur á leiðinni.
Tvö ungmenni fara niður um ís á stöðuvatni. Í ljós kemur að fleiri voveiflegir atburðir hafa átt sér stað við vatnið. Og þeir sem hafa kafað í því þjást af martröðum … Hér fá rómaðir hæfileikar Yrsu Sigurðardóttur til að kveikja spennu og magna upp dulúð að njóta sín til hins ýtrasta.
Eva Björg Ægisdóttir sló í gegn bæði heima og erlendis með sinni fyrstu bók, Marrið í stiganum. Bókin hlaut meðal annars Gullrýtinginn í Bretlandi sem frumraun ársins. Sagan er nú endurútgefin í tilefni af sjónvarpsþáttaröðinni Elma.
Gröfumaður kemur óvænt niður á mannabein og skyndilega verður 35 ára gamalt mannshvarf á allra vörum í litlum bæ þar sem allir þekkja alla. Rannsóknarlögreglukona stendur frammi fyrir því flókna verkefni að leysa þessa gátu en sjálf er hún langt gengin með sitt fyrsta barn. Og einhver fylgist grannt með listgreinakennara sem býr yfir leyndarmáli.
Eva Björg Ægisdóttir og Jérôme Loubry eru bæði margverðlaunuð fyrir glæpasögur sínar. Þau leggja hér saman krafta sína að undirlagi glæpasagnahátíðarinnar Quais du polar í Lyon en hana sækja yfir 100.000 manns ár hvert. Bókin kemur út samtímis á Íslandi og í Frakklandi.
Sagan hefst hér– hjá Ben Foley. Hann er rekinn úr alþjóðlega menntaskólanum í Strassborg. Hann fer heim til sín með skottið á milli lappanna en þá eru foreldrar hans horfnir, blóð á eldhússkápnum og hans bíður miði með undarlegum skilaboðum frá móður hans sem lýkur á: Ekki hringja á lögregluna!
Nokkur ævintýri úr lífi
Sigurður Hansen í Kringlumýri í Skagafirði er orðinn hálfgerð goðsögn í lifanda lífi. Á efri árum sviðsetti hann Haugsnesbardaga, mannskæðustu átök Íslandssögunnar, í túnfætinum heima með yfir þúsund grjóthnullungum – og opnaði síðan menningarsetur tengt Sturlungu í stórum skála sem áður hýsti minkarækt. En hver er Sigurður Hansen?
Lögreglumaðurinn Helgi Reykdal er á leið á Litla-Hraun ásamt tveimur kollegum. Framundan er mesta raun sem hann hefur ratað í. Um leið syrgir hann dauða Anítu, unnustu sinnar, sem Bergþóra, fyrrum sambýliskona hans, varð völd að. Og samhliða reynir hann að grafast fyrir um hvað varð um forvera hans í starfi – Huldu Hermannsdóttur.
Litróf birtunnar – um list brautryðjanda
Svavar Guðnason kom eins og stormsveipur inn í íslenskt listalíf í ágúst 1945 eftir langa dvöl í Danmörku með sýningu sinni í Listamannaskálanum. Þar ruddi hann óhlutbundinni myndlist braut á Íslandi. Svavar átti einnig þátt í því að móta danska – og evrópska – listasögu með hópnum er síðar varð þekktur sem Cobra-hreyfingin.
Vigdís Magnúsdóttir hefur gefist upp á doktorsnámi í heimspeki og ákveður að hasla sér völl í hugleiðslu og öðrum andlegum málefnum. Hún auglýsir helgarnámskeið í ríkmannlegri villu fyrir utan Hveragerði þar sem kynna á „fjölbreyttar leiðir til að öðlast innri ró og næra andann“. Allt gengur að óskum – þangað til framið er morð.
Eyþór Árnason hlaut Bókmenntaverðlaun Tómasar Guðmundssonar fyrir fyrstu ljóðabók sína árið 2009. Það kemur alltaf nýr skafl í fjallið er áttunda ljóðabók hans.
Rakel fær ábendingu um að taka fyrir ríflega þrjátíu ára gamalt hvarf unglingsstúlku í hlaðvarpi sínu. Hún ákveður að kanna málið og fljótlega kemst hún að því að ekki eru allir ánægðir með að hún sé að grafa upp fortíðina. Og sjálf þarf Rakel að takast á við nýjan veruleika eftir að kunnugleg kona hringir óvænt bjöllunni heima hjá þeim hjónum.