Síða 6 af 7
Sumarið 1874 kom ungur blaðamaður að nafni Max Nordau til Íslands til að fylgjast með þúsund ára afmæli Íslandsbyggðar. Hápunktur ferðarinnar var þjóðhátíðin á Þingvöllum þegar Kristján IX Danakonungur afhenti Íslendingum stjórnarskrá. Hispurslaus og skemmtileg frásögn af íslensku þjóðfélagi á tímamótum.
Lýðræði og frelsi í Evrópusambandinu
Hvað gerist þegar vald færist frá kjörnum fulltrúum til tæknikrata, sérfræðinga og embættismanna? Tækniprestakallið rannsakar lýðræði, frelsi og vald innan Evrópusambandsins með stríðið í Úkraínu sem útgangspunkt og spyr grundvallarspurningar: Hver hefur vald til að skilgreina hvað telst lýðræði?
Í tímans rás hafa geimverutilgátur byggst á hugmyndum um heimsóknir gesta utan okkar sólkerfis en nú er umræðan að breytast. Trúarleg heimsmynd mannsins er skoruð á hólm. Hulan milli þess andlega og efnislega þynnist hratt og efnisveruleikinn eins og við höfum upplifað hann verður annarlegri í augum okkar. Höfum við einhvern tíma verið ein?
Uppeldi sem virkar – færni til framtíðar
Í bókinni er lýst hvernig börn læra frá unga aldri af samskiptum við foreldra sína og því fordæmi sem þeir gefa með eigin hegðun. Gefin eru gagnleg ráð, árangursríkum aðferðum er lýst og bent er á færni sem foreldrar þurfa að hafa eða tileinka sér til að ýta undir æskilega hegðun barna sinna.
Á veiðum með Gylfa Pálssyni
Hér er á ferðinni ómissandi bók fyrir allt veiðifólk. Gylfi Pálsson hefur skrifað ótal pistla um allar hliðar stangveiðinnar. Hér skrifar hann um silungsveiði, laxveiði, vatnaveiði, veiði í ám og veiði úr fjöru! Hann skoðar einnig umhverfi veiðimannsins, bæði náttúruna og umgjörðina. Sögurnar eru bæði fróðlegar, spennandi og stórskemmtilegar.
bjargvættir í hamförum
Hér er sögð saga björgunarsveitarmanna sem lögðu sig í lífshættu á meðan á leit og björgun stóð í snjóflóðunum í Súðavík og á Flateyri árið 1995. ,,Hin hliðin“ á hamförunum þar sem enginn varð samur á eftir. Enginn annar íslenskur bókaflokkur hefur notið viðlíkra vinsælda og skipað efstu sæti metsölulistans yfir þrjátíu ár í röð.
Sönn sakamál 13
Á áttunda áratug síðustu aldar bjó bakari nokkur að nafni Robert Hansen yfir myrku leyndarmáli sem olli skelfingu í Anchorage, stærstu borg Alaska í Bandaríkjunum. Hann hafði gert ósnortin víðerni Alaska að eigin veiðilendum við mannaveiðar. Sönn saga um skelfilegasta raðmorðingja Alaska.
Hér er sögð saga af farsælum ferli Sveins B. Valfells í viðskiptum en líka sagt frá manninum sjálfum og fjölskyldu. Sagan heldur áfram með syni hans, Sveini Valfells yngri. Saman fléttast sögur tveggja kynslóða en bókin er um leið aldarspegill sem varpar ljósi á ótrúlegar þjóðfélagsbreytingar sem orðið hafa á Íslandi frá upphafi tuttugustu aldar.
Endurminningar Þórunnar Ástríðar Björnsdóttur ljósmóður
Handritið sem hér birtist var týnt en fannst fyrir tilviljun á Landsbókasafni. Endurminningar Þórunnar frá 1935 fjalla um æskuna í Skorradal, þjóðfélagsmál og dulræn efni en þó ekki síst köllun hennar, ljósmóðurstarfið. Einnig er prentuð dagbók sambýliskonu hennar, Guðlaugar Guðmundsdóttur, frá 1928–1929, sjaldgæf skrif óskólagenginnar alþýðukonu.
Í gegnum myrkrið með goðum og vættum
Fróðleg og óvenjuleg bók þar sem dimmasta árstíðin er í brennidepli. Vilborg Davíðsdóttir rýnir hér í sagnaheim fyrri alda, þjóðtrú og þjóðhætti, í leit að því hvað kom formæðrum okkar og -feðrum, keltneskum og norrænum, að gagni í glímunni við langan og strangan íslenskan vetur. Um leið spinnur hún þræði til nútímans í ævintýraferð gegnum myrkrið.
Villigötur valdsins eftir Óla Björn Kárason er ádeila á útþenslu ríkisins, ríkishyggju og pólitískan rétttrúnað. Í bókinni hvetur hann hægrimenn til að setja hugmyndabaráttuna í forgang og standa vörð um sjálfstæði landsins, frjáls viðskipti og frelsi einstaklingsins.
Stöð og Vogur, áfangar á langri leið
Í þessari bók eru tveir staðir á Íslandi í aðalhlutverkum, Vogur í Höfnum, yst á Reykjanesi, og Stöð á Stöðvarfirði. Á báðum þessum stöðum hafa fundist mannvistarleifar sem eru frá því fyrir hið eiginlega landnám, líklega frá fyrri hluta 9. aldar. Þeir eru ein helsta kveikjan að ritun þessarar bókar.
Fjölbreytt mál komu fyrir réttinn en þar á meðal eru vörusvik kaupmanna, fjárnám á heimili sýslumanns og spilling embættismanna. Systkinin Sunnefa og Jón Jónsbörn ásökuðu sýslumanninn Hans Wium um að hafa dæmt sig til dauða fyrir sifjaspell vegna barns sem hann hefði sjálfur getið Sunnefu í varðhaldi. Skjöl málsins birtast hér í fyrsta sinn.
Um missi, söknuð og trega
Hvernig tekst maður á við það að vera skilinn eftir? Þá varð myrkur að morgni geymir fræðigreinar, hugleiðingar, minningar og ljóð fólks sem flest á það sammerkt að hafa glímt við djúpa sorg vegna óvænts og ótímabærs ástvinamissis. Bókin kallar eftir breyttum viðhorfum til slíkra áfalla og hvernig hið opinbera bregst við þeim.
Strand herskipsins Gautaborgar á Hraunsskeiði 1718, aðdragandi og afleiðingar
Árið 1718 hafði ríki Danakonungs, og þar með Ísland, átt í stríði við Svíþjóð í níu ár og sá ekki fyrir endann á þeim ófriði. Kaupskip fengu herskipafylgd á siglingu milli Kaupmannahafnar og Íslands. Í nóvember 1718 strandaði og fórst fylgdarskipið Gautaborg (Giötheborg) úr flota Danakonungs á Hraunsskeiði austan við Þorlákshöfn.
Í þjóðaratkvæðagreiðslunni 29. ágúst 2026 höfnuðu Íslendingar því að aðildarviðræður við Evrópusambandið yrðu hafnar að nýju. Í þessari bók er rakinn aðdragandi þess að málið var lagt fyrir þjóðina og hvernig tilraun íslenskra stjórnvalda til að endurvekja aðildarferlið þróaðist.
Sviðsmynd
Kínversk orrustuþota hrapar í taívönsku loftrými. Í kjölfarið fyrirskipa ráðamenn í Peking árás á Taívan. Bandaríkin, klofin vegna innanlandspólitískra átaka, grípa til varna – en alltof seint. Í þessari sviðsmynd greinir þýskur stjórnmálafræðingur hugsanlegar afleiðingar kínverskrar innrásar í Taívan og bendir á leiðir til að forðast slík átök.
Það sem höfundar Landnámu töldu rétt vera
Illugi skoðar hér hvaðan landnámsfólkið kom, samkvæmt Landnámu, og athugar stöðu þræla, gerð bæja, skipakostinn, yfirráð norrænna manna á Bretlandseyjum og fleira. Aðallega tekur hann þó saman frásagnir Landnámu um það landnámsfólk sem er meira en nafnið tómt. Og sú mynd sem Landnámuhöfundar draga upp af landnámsfólki mun koma ýmsum á óvart.