Síða 1 af 2
Sigrún er þrettán að verða fjórtán og búin að ákveða að hún sé hætt að vera lúði – sérstaklega nú þegar Aníta er flutt í götuna. En ef hún ætlar að verða vinkona Anítu verður ýmislegt að breytast í lífi hennar. Með hjálp nýju vinkonunnar ræðst hún í verkefnið með ófyrirséðum, og stundum bráðfyndnum, afleiðingum.
Blóðþyrstu mannæturnar Dagur og Ylfa eru á flótta undan Interpol ásamt læknanemanum Inga Birni. Þegar hungrið vaknar er aðeins ein leið til þess að seðja það! Flóttinn verður að blóði drifinni Evrópureisu með viðkomu í líkbrennslu í Stuttgart, útsýnisturni í Svartaskógi og baðhúsi í Búdapest. Varúð! Ekki fyrir viðkvæma!
Svava er að útskrifast úr grunnskóla. Á þessu síðasta ári fékk hún að vita að faðir hennar sem alið hefur hana upp er ekki blóðfaðir hennar. Svava fékk lítið að vita meira um hann og því skipuleggur hún leynilega ferð ásamt Agli kærasta sínum norður í land til að reyna á finna hann. Sú ferð er ekki þrautarlaus og lenda þau í hinum ýmsu raunum.
Æsispennandi jóladagatal! Ísabella og Lúkas eru erkióvinir en neyðast til að vinna saman þegar mamma hennar og pabbi hans byrja að deita. Jólin nálgast og það síðasta sem þau vilja er að verja þeim saman. Þau beita því ýmsum brögðum til að reyna að fá foreldra sína til að hætta saman. En tekst þeim það áður en klukkurnar hringja inn jólin?
1. Úr stríði í frið
Ein ástsælasta Íslendingasagan er nú komin út sem myndasaga. Alvestfirsk framleiðsla; höfundurinn býr í sögusviðinu miðju. Fyrsta bók af fjórum um þessa örlagaþrungnu sögu um ástir, vináttu og átök. Þessi útgáfa er fyrir fólk á öllum aldri, ekki síst skólabörn. Bókin kemur samtímis út á þýsku.
Gamlárskvöld, kvöld töfra, byrjar á hefðbundinn hátt hjá menntaskólastúlkunni Bergdísi. Hún fer í partí hjá vinkonu sinni. Eftirvæntingin er mikil. En hefðbundið gamlárskvöld hrindir af stað óvæntri atburðarás. Ástin knýr dyra þegar Bergdís kynnist Hrafni á nýársnótt. En þessari ást fylgir ógn og verur af öðrum heimi. Eða eru álfar kannski menn?
(myndskreytt útgáfa)
Harry Potter og Albus Dumbledore halda eina sumarnótt á vit framtíðar sem er ótrygg og váleg. Illskunni vex ásmegin. Galdramálaráðuneytið er í uppnámi og jafnvel Hogwarts er ekki lengur öruggt skjól.
Sjöunda og síðasta bókin um Harry Potter, í einum vinsælasta bókaflokki í heimi. Harry Potter er kominn á lokaskeið sitt í Hogwarts. Hann og vinir hans, Ron og Hermoine, þurfa að finna og eyðileggja helkrossa Voldemorts til að stöðva hann.
Síðasta bókin um Charlie og Nick – fyrsta ómótstæðilega ástin. Raunsæ og einlæg myndasaga fyrir börn og unglinga sem hefur farið sigurför um heiminn á undanförnum árum og breytt tíu milljónum lesenda til frambúðar. Vinsælir sjónvarpsþættir sýndir á Netflix hafa verið gerðir eftir sögunni.
Viðhafnarútgáfa
Sérstök viðhafnarútgáfa eins af turnum bókmenntasögunnar er nú fáanleg hjá Kveri bókaútgáfu, en fyrsta útgáfa seldist upp fyrir síðustu jól (’25). Sérlega glæsileg útgáfa og tilvalin gjöf. Þýðing Solveigar Sifjar Hreiðarsdóttur með ljóðaþýðingum Braga Valdimars Skúlasonar hefur hlotið einstaklega lofsamlegar viðtökur.
Loksins fáanleg aftur! Hungurleikarnir er fyrsta bókin í æsispennandi bókaflokki Suzanne Collins en bækurnar fóru sigurför um heiminn, sátu árum saman á metsölulistum og eftir þeim voru gerðar geysivinsælar kvikmyndir. Þær hafa verið þýddar á yfir fimmtíu tungumál og selst í meira en 100 milljónum eintaka.
Rut og Alma eru bæði skólasystur og nágrannar en tala aldrei saman. Hlynur, kærasti Ölmu, er efnilegur handboltamaður en hefur engan áhuga á náminu. Fannar, skólabróðir þeirra, þráir athygli og viðurkenningu en viðhorf hans og bakgrunnur gera honum erfitt fyrir. Grípandi saga um ungt fólk og þær ólíku áskoranir sem það tekst á við.
Elías getur varla slitið sig frá nýja tölvuleiknum sínum. Hann gerist á eyðilegum bóndabæ og gengur út á að forða sér frá brjáluðum kanínum sem virðast hafa stökkbreyst eða smitast af hræðilegum sjúkdómi. Eitt kvöldið uppgötvar Elías að bóndabærinn er til í alvörunni. Og það sem meira er, það er eitthvað mikið að kanínunum þar líka.
Daginn sem Lukka Maja byrjar í skólanum er svolitlu stolið úr skólatösku. Enginn hafði komið nálægt töskunni nema Emma og Lukka Maja og Lukka Maja er ásökuð um þjófnaðinn. Emma trúir Lukku Maju en er hún eins saklaus og hún segist vera? Stuttu seinna er framið skemmdarverk í skólanum og aftur beinast spjótin að Lukku Maju.
Dögg er nýflutt í gamalt hús ásamt mömmu sinni, kærastanum hennar og dóttur hans – sem hún þekkir ekkert þótt þær séu báðar í Kvennó. Þegar stelpurnar verða sannfærðar um að reimt sé í íbúðinni neyðast þær þó til að snúa bökum saman og komast að því hvað draugurinn vill þeim. Brátt eru þær komnar á blóði drifna slóð látinna unglingsstúlkna.
Tóbías Mar hefur alist upp um borð í sjóræningjaskipinu Söng sírenunnar undir verndarvæng Sigurmars Sjólfs skipstjóra. Dag einn veita herskip keisaraveldisins Sírenunni grimmilega eftirför. Þá kemst Tóbías óvænt að því að í honum búa magnaðir kraftar sem tengjast hafinu og við tekur mikil hættuför um nýja og framandi heima.
Allý er búin með fyrsta árið í menntaskóla og margt hefur breyst í lífi hennar. Nýir vinir, vandamál heima fyrir og í ástarlífinu og pabbi hennar ákveður að senda hana í sveit. Allý er staðráðin í að gera vistina erfiða fyrir alla en eftir því sem líður á sumarið gerir hún sér grein fyrir að hún er að falla fyrir Degi sem vinnur á bænum.
Fyrst var það Brostu, sem kom út í fyrra. Nú er það Systur, óbeint framhald af fyrri bók. Raina Telgemeier segir hér frá kostulegu ferðalagi systra með mömmu sinni í sendiferðabíl. Er eitthvað betra en að rífast við systur sína? Flottur lestur fyrir unga lesendur. Litmyndir.