Brostu
Þegar Raina var stelpa braut hún í sér tennur og þurfti spangir. Síðar skrifaði hún líflega barnabók um reynslu sína.
Barnabækur - Teiknimyndasögur
Hjartastopp 5
Nick og Charlie eru ástfangnir og sambandið gengur vel. En Nick fer að ljúka námi í Truham-skólanum og næstu skref eru óráðin. Einlæg og snjöll myndasaga fyrir börn og unglinga sem hefur farið sigurför um heiminn. Þættir gerðir eftir bókaflokknum hafa slegið í gegn á Netflix.
Huldufólk
Ísland - 2061. Veður hefur snarversnað í kjölfar loftslagsbreytinga, ríkisstjórnin stjórnar einungis litlum hluta landsins og glæpagengi ráða ríkjum hvarvetna. Eftir að þjófar stela óþekktum verðmætum frá stórfyrirtækjum neyða þeir ungan tæknimann til að hjálpa þeim að flýja frá Reykjavík. Æsispennandi saga úr framtíðardystopiu á Íslandi.
Jólasyrpa 2025
Það er alltaf gaman í Andabæ um jólin!
Kötturinn og ég
Myndasagan, Kötturinn og ég, er þroskasaga stúlku sem er sögð í gegnum samskipti hennar við kisu. Hún fjallar um hvernig lítil fyndin kisa getur átt sess í fjölskyldu og haft áhrif á líðan og þroska allra fjölskyldumeðlima.
Persepólis II
Seinni hlutinn af ógleymanlegri uppvaxtarsögu íranska höfundarins Marjane Satrapi (f. 1969), sem fór sigurför um heiminn þegar hún kom fyrst út. Spaugilegar hversdagssenur í lífi höfundar og harmleikur þjóðar fléttast listilega saman í þessari margrómuðu teiknimyndasögu sem lætur engan ósnortinn.
Goðheimar 15 Sýnir völvunnar
Fimmtánda og síðasta bókin í bókaflokknum vinsæla um Goðheima. Fimbulvetur ríkir í Ásgarði og Fenrisúlfur er kominn aftur á kreik. Ragnarök virðast í nánd, jötnar búa sig undir bardaga og æsir ræsa út her einherja. Loki er sendur til að kljást við úlfinn og fær óvænta aðstoð frá Röskvu sem sýnir á sér nýja og afar óvænta hlið.
Tvær stórskemmtilegar Risasyrpur Tískan í Andabæ og Tækni og vísindi
Glæsilegar sögur úr heimi fatahönnunar og hátæknisögur um vísindalegar uppgötvanir!
Þegar litla systir kom í heiminn
Bókin fjallar um tilfinningar og hræðslu hjá barni sem er að fara að eignast lítið systkini, óttann við að vera ekki lengur aleitt með mömmu og pabba. Reynsla barnsins er ein af birtingarmyndum kvíða og bókin getur nýst sem handbók þeirra sem vinna með börnum og foreldrum/forráðamönnum. Opnar spurningar fylgja hverri opnu sem hvetja til umræðu.