Yndisleg litabók sem fær þig til að gleyma stað og stund í afslöppun. Bækur Coco Wyo hafa að takmarki að fá fólk til að taka frá notalega stund til að lita. Það er róandi og kvíðastillandi í dagsins önn. Fyrir börn á öllum aldri. Bækurnar hafa farið sigurför um heiminn.
Einstaklega falleg og fjölbreytt prjónabók sem byggist á glæpasögunum um ísfirsku lögguna Hildi sem hafa farið sigurför um heiminn. Áhersla er lögð á sígildar íslenskar lopapeysur en einnig má finna útfærslur í léttari og látlausari stíl. Flestar uppskriftanna eru bæði í stærðum fyrir konur og karla.
Kósístund með Molang og Piu Piu. Komdu með á krúttlegt kaffihús. Fullkomin bók fyrir alla sem elska notalega og skapandi skemmtun. Í þessari heilandi litabók eru á boðstólum ljúffengar bollakökur, búbblute, ís og margt fleira gott! Stútfull litabók með heillandi myndum fyrir yngri og eldri listamenn.
Níu fræðigreinar
Greinarsafn í tilefni sýningar í Þjóðminjasafni Íslands um glæsilegan íslenskan brúðarbúning frá 18. öld sem þekktur er fyrir glæsileika, fagurt handverk og skart. Faldbúningurinn er í eigu V&A safnsins í London og var lengi talinn hafa glatast í skipsskaða.
Fjölbreytt og eiguleg prjónabók með 74 uppskriftum að einlitum og marglitum sokkum fyrir stóra og smáa fætur. Uppskriftirnar eru einfaldar og aðgengilegar og fremst í bókinni eru útskýringar á aðferðum. Þetta er áttunda bók höfundar en fyrri bækurnar hafa notið mikilla vinsælda, þar á meðal Sokkaprjón, Vettlingaprjón og Húfuprjón.
Falleg prjónabók með flíkum í anda helstu sögupersóna úr bókum Astridar Lindgren. Hér eru 46 uppskriftir fyrir börn og fullorðna. Hvern dreymir ekki um derhúfuna og peysurnar hans Emils eða Kattholtskjólinn og svuntuna hennar Ídu? Línupeysa fyrir stóra og smáa, prjónaður herra Níels og peysur bræðranna Ljónshjarta svo fátt eitt sé nefnt.