Úr heljargreipum
„Alinn upp við ofbeldi og óreglu fetar Baldur sama veg þegar hann eldist en snýr við blaðinu eftir hreint ótrúlegt lífshlaup, ákveðinn í að nota reynslu sína til að hjálpa öðrum. Mögnuð bók sem gefur sjaldgæfa innsýn í heim sem við þekkjum frekar úr glæpasögum. Einlæg frásögn sem veitir von þeim sem eru fastir á vondum stað og aðstandendum þeirra.“
„Á köflum hefði maður viljað spenna öryggisbeltin við lesturinn.“
Guðríður Haraldsdóttir blaðamaður
„Baldur lýsir hér á einlægan og opinskáan hátt ótrúlegu lífshlaupi sínu og leyfir lesandanum að sjá inn í heim sem okkur flestum er ókunnugur. Um leið og sagan er átakanleg og á köflum líkust reyfara er hér um raunverulega atburði að ræða og raunverulega sögu manns sem upplifði hörmungar sem ekkert barn á að upplifa. Sagan er jafnframt uppgjör við fortíðina og saga raunverulegrar endurreisnar brotins manns.“
Theódór Francis klínískur félagsráðgjafi
„Þetta er stórkostleg frásögn sem grípur mann frá fyrstu blaðsíðu. Hún færir mann í heim niðurrifs og ofbeldis, fíknar og örvæntingar en tekur lesandann síðan í vegferð vonar og endurreisnar. Það var í þeim hluta sem að skelfingin yfir myrkrinu breyttist í gleðitár sem hættu ekki að renna fyrr en ég lagði þessa magnþrungnu bók frá mér.“
Hannes Lentz einn af stofnendum ABC barnahjálpar