Sálarstríð

Lífsvegur Sólveigar mun brátt að endalokum kominn. Bára er ung kona með framtíðina fyrir sér. Í fortíð beggja leynist myrkur sem finnur sér leið upp á yfirborðið. Sálarstríð er áhrifamikil og falleg saga þar sem örlög tveggja kvenna tvinnast saman á eftirminnilegan og óvæntan hátt.

Sum leyndarmál fylgja manni ævina á enda.

Sólveig sér fram á að yfirgefa heimili sitt og flytja á hjúkrunarheimili vegna heilsubrests í kjölfar heilablæðingar. Veikindin eru alvarlegri en þau virtust í fyrstu. Óuppgerð leyndarmál þjaka hana og draugar fortíðar sækja enn fastar að henni nú þegar lífsvegur hennar virðist á enda kominn.

Bára er ung kona um miðja tuttugustu öldina. Hún er starfsnemi í kjólasaumi og framtíð hennar virðist björt. En í fortíðinni leynist myrkur sem hún á erfitt með að takast á við og í nútíðinni þarf hún að glíma við erfiðar tilfinningar og ný leyndarmál.

Sálarstríð er áhrifamikil og falleg saga þar sem örlög þessara tveggja kvenna tvinnast saman á eftirminnilegan og óvæntan hátt.

Rithöfundurinn Steindór Ívarsson hefur vakið mikla lukku meðal lesenda og hlotið tilnefningar til glæpasagnaverðlaunanna Blóðdropans í tvígang, fyrir bækurnar Blóðmeri og Völundur. Hér snýr hann aftur með heillandi og spennandi örlagasögu sem hittir beint í hjartastað og lætur engan ósnortinn.