index
Líkt og oft áður samþættir höfundur skáldskap, sagnaminni, hugmyndir og þjóðfræðibrot. Af fundvísi dregur hann fram úr skúmaskotum íslenskrar ritmenningar furðulegustu staðreyndir og setur þær í samhengi eða tengir við óskyld atvik, lyftir þeim á stall eða veltir úr sessi, oftar en ekki með gamansömu ívafi.
Athugið að bækur úr eldri útgáfum Bókatíðinda eru birtar hér með fyrirvara um mögulega sé ekki um að ræða nýjustu upplýsingar.
| Titill | Höfundur | Útgefandi | Lýsing |
|---|---|---|---|
| Glerþræðirnir etnógrafísk brot | Magnús Sigurðsson | Dimma | Með frumlegum og áhugaverðum hætti er atvikum og persónum úr sögu lands og þjóðar teflt fram gegn lífsskilyrðum nútímans. Hér er þó ekki tekið mið af stórviðburðum Íslandssögunnar heldur sagðar hversdagssögur af mönnum og málleysingjum, af þeirri fundvísi sem einkennir fyrri verk höfundar. |
| Húslestur Ritgerðir | Magnús Sigurðsson | Dimma | Í bókmenntatextum sem leika á mörkum sannleika og skáldskapar, arfs og umbyltingar, alvöruþunga og „absúrd kómíkur“, er látið reyna á tjáningargetu ritgerðaformsins sem skáldlistar. Viðfangsefni þessara veraldlegu húslestra eru bæði frumleg og fjölbreytt, en bókin ber keim af fyrri verkum höfundar, Tregahandbókinni og Íslenskri lestrarbók. |
| Lexíurnar stafrófskver | Magnús Sigurðsson | Dimma | Hér er tekið mið af bókmenntaformi stafrófskveranna gömlu, kennslubóka sem höfðu það hlutverk að vígja börn og ungmenni inn í töfraheima leslistarinnar. Með óvanalegum verkum sem leika á mörkum hins uppdiktaða og sanna, skáldskapar og fræða, hefur höfundurinn skapað sér sérstöðu í íslenskum bókmenntum. |