Hið heilaga stríð um Konstantínópel og átökin milli Íslams og Vesturlanda
Þetta höfuðverk breska sagnfræðingsins Rogers Crowley segir frá atburðum og átökum sem marka endalok miðalda og hafa enn áhrif á sögu mannkyns. Bókin birtist hér í vandaðri þýðingu Júlíusar Sólness.
Lífshættir í bændasamfélagi – Kilja
Hvernig var að búa á Íslandi á tímum bændasamfélagsins, landi bænda og sjómanna, höfðingja og almúgamanna? Í bókinni er lýst lífsháttum Íslendinga í upphafi 18. aldar og fjallað um fjölskyldur og heimili; jarðir, byggðaskipan og búsvæði; lífskjör þjóðfélagsstétta; fátækt og ríkidæmi.
Þróun 17. júní hátíðarhalda á 19. og 20. öld
Í þessari nýstárlegu bók er sýnt fram á hvernig 17. júní varð að þjóðhátíðardegi Íslendinga snemma á 20. öld, m.a. fyrir tilstilli sjálfstæðishreyfingar þess tíma, félaga í UMFÍ og ÍSÍ, auk verkalýðshreyfingarinnar og atvinnurekenda. Með þátttöku sinni gerði alþýða manna 17. júní að degi þjóðar án þess að yfirvöld tækju ákvörðun þar um.
Hundrað ár í Þingholtsstræti 25 – Kilja
Þetta er saga um sjúkdóma, lækningar og tilraunir til að vernda samfélagið gegn sóttum. Þetta er saga borgar og velferðarkerfis en ekki síst saga af fólki. Aðalpersónan er þó gamla timburhúsið sem byggt var árið 1884 sem fyrsta sjúkrahús Reykvíkinga. Síðar var það gert að farsóttaspítala, geðsjúkrahúsi og seinast gistiskýli fyrir heimilislausa.
Kórtónlist eftir John Rutter með íslenskum og enskum textum
Kórtónlist Johns Rutter nýtur mikillar hylli um allan heim enda ægifögur og melódísk. Í bókinni eru þekktustu lög hans en einnig nýrri, s.s. eins og lagið sem hann samdi fyrir hjónavígslu Vilhjálms prins og Katrínar í Westminster Abbey árið 2010. Fimm jólalög eru í bókinni. Bókin er sú nítjánda í tónlistarröðinni Söngvasveigur.
A Millennium of Perceptions – A Thousand Years of Myth, Mystery, and Imagination
Bókin varpar ljósi á hvernig Ísland og Grænland hafa verið túlkuð af umheiminum á liðnum öldum í máli og myndum, allt frá miðaldaritum til samtímafjölmiðla. Í bókinni er fjallað um hvernig þessi tvö lönd voru ýmist dásömuð eða fordæmd, sem ill eða góð og allt þar á milli.
Skólasaga 1939–1999
Sextíu ára saga Myndlista- og handíðaskóla Íslands, allt frá því að skólinn tók til starfa í fjórum geymsluherbergjum í kjallara við Hverfisgötu árið 1939 undir nafninu Handíðaskólinn og þar til hann var lagður niður samhliða stofnun Listaháskóla Íslands árið 1999.
Fröken Thora og saga einhleypra kvenna á Íslandi
Hvaða augum leit fólk piparmeyjar og hvaða augum litu þær sig sjálfar? Höfðu þær raunverulegt val í lífinu? Fróðlegt og aðgengilegt sagnfræðirit byggt á metnaðarfullri rannsókn á ævi og kjörum einhleypra, íslenskra kvenna á umbrotatímum í kvennasögunni. Í aðalhlutverki er heillandi safn einkabréfa Reykjavíkurstúlkunnar Thoru Friðriksson.
Tímarit Sögufélags LXIII: 1 og 2, 2025
Tímaritið Saga kemur út tvisvar á ári, vor og haust. Efni þess tengist sögu og menningu landsins í víðum skilningi. Ritrýndar greinar og viðhorf mynda stærstu efnisþætti tímaritsins. Í Sögu birtast einnig ritdómar og ritfregnir um nýjar bækur er varða sögu, einkum Íslandssögu, og annað efni af sagnfræðilegum toga. Ómissandi öll...
- umræðurit -
Samvinnuhreyfingin á Íslandi markaði djúp spor í sögu þjóðar í meira en eina öld og var samofin vegferð hennar úr fátækt til velmegunar. Hér segir höfundur þessa sögu á aðgengilegan og sannfærandi hátt með sínum vel þekkta knappa stíl.
Vistarband og íslenskt samfélag á 19. öld – Kilja
Vistarbandið var ein af grunnstoðum samfélagsins á 19. öld. Það setti mark sitt á daglegt líf alþýðu og hefur verið líkt við ánauð. En var það í raun svo? Voru vinnuhjú þrælar undir hæl húsbænda sinna? Eða voru þau agalaus og óhlýðin líkt og tíðar umkvartanir ráðamanna gáfu til kynna?
Í þessu fyrra bindi sögu sjávarútvegs Íslendinga síðustu 50 árin, allt frá útfærslu landhelginnar í 200 sjómílur árið 1975, er fjallað um starfsumhverfi og stjórnsýslu sjávarútvegsins. Jafnframt er rætt um stofnanir sjávarútvegs, hafréttarmál og alþjóðlega samninga og kjara- og verðlagsmál. Lykilverk um sögu og þróun sjávarútvegsins.
Greinasafn Sveins Sveinssonar (1875-1965) bónda á Norður-Fossi í Mýrdal. Stórmerk heimild um veröld sem var.
Annáll 930-1930
Saga Íslendinga kemur hvergi betur fram á einum stað en á Þingvöllum við Öxará. Hér er safnað saman á eina bók frásögnum af helstu atburðum sem taldir eru hafa gerst þar, flestar teknar orðrétt upp úr gömlum ritum, einkum annálum, Íslendingasögum, Sturlungasögu, biskupasögum og alþingisbókum. Fjöldi mynda prýðir bókina, margar ómetanlegar.