Á slóðum Akurnesinga
Þættir um mannlíf og sögu
Ásmundur Ólafsson kemur víða við á slóðum Akurnesinga í þessu greinasafni, allt frá landnámi til nútímans. Hann fjallar sem fyrr um sögu og fjölskrúðugt mannlífið á Skipaskaga af innsæi líkt og í fyrri bók sinni „Á Akranesi“ sem kom út árið 2016.
Hér má lesa um hvernig byggðin mótaðist þegar bændasamfélag varð að sjávarþorpi, um sjómenn og athafnamenn sem héldu í víking, fyrsta miðbæjarkjarnann á Akranesi og frumkvöðla á ýmsum sviðum – svo eitthvað sé nefnt. Í greinum sínum kortleggur Ásmundur sögu og samtíð Skagans á skýran og glöggan hátt lesendum til fróðleiks og skemmtunar.
“Allt frá því að bræðurnir írsku, þeir Þormóður „gamli“ og Ketill Bresasynir námu land á Akranesi, sennilega á árunum milli 880 til 900, hefur Akranes ásamt byggðunum sunnan og norðan Skarðsheiðar gegnt lykilhlutverki í uppbyggingu atvinnuvega landsins. Fyrsta sýn landnemanna þegar þeir stigu á land á Akranesi voru frjósöm héruð, öll grasi og skógi vaxin og vel fallin til akuryrkju.” Úr formála höfundar