Athugið að þessi bók er úr eldri útgáfu Bókatíðinda og birt hér með fyrirvara um mögulega sé ekki um að ræða nýjustu upplýsingar. Hafið samband við útgefanda til að fá nánari upplýsingar um hvort bókin sé fáanleg.

Leiðtogi

  • Höfundur Einar G. Harðarson
Forsíða kápu bókarinnar

Rit er hentar öllum sem hafa leiðtogahæfileika eða óska sér að hafa þá. Höfundur rýnir í sögu sína sem er yfirgripsmikil og gefur afskaplega góð ráð. Ummæli um bókina sýna framar öllu að lesendur taka til sín fróðleikinn og geta nýtt sér hann í daglegu lífi. Bók sem er fyrir alla. Sjá Leidtogi.net

Hvað þarf leiðtogi að hafa til að bera? Einar G. Harðarson svarar þessari spurningu í ljósi reynslu sinnar sem frumkvöðull, framkvæmdastjóri og eigandi fyrirtækja.

Bókin Leiðtogi er ekki sjálfshjálparbók í þeim skilningi að stappa stálinu í fólk og rífa það upp frá botninum. Koma því í gang. Þessi bók er frekar bókin sem kæmi í framhaldi af lestri þeirra bóka. Leiðbeiningar um hvernig þú tekst á við umhverfið og sjálfan þig eftir að þú hefur tekið ákvörðun, gert órjúfanlegan samning við sjálfan þig og sett þér stefnu. Ákvörðun um að takast á við allt sem í veginum verður með hugarfari sigurvegarans. Hugarfarinu, að ná bestum árangri í öllu sem þú tekur þér fyrir hendur.

Þessari bók er því ætlað að veita einstaklingum tækifæri til að tjá leiðtogahæfileika sína með frumkvæði og áræðni. Viljinn og þráin vísa veginn í krafti aga og dugnaðar.

Einar G. Harðarson var við nám í þjóðhagfræði við Gautaborgarháskóla og námi til löggildingar fasteigna, fyrirtækja- og skipasala við HÍ. Einar hefur stofnað og veitt forystu fyrirtækjum á mörgum sviðum. Má þar nefna verslunarrekstur, framleiðslufyrirtæki, fiskvinnslufyrirtæki, fasteignasölu og hefur hann náð ótrúlegum árangri í MLM (margþrepa markaðskerfi).