Athugið að þessi bók er úr eldri útgáfu Bókatíðinda og birt hér með fyrirvara um mögulega sé ekki um að ræða nýjustu upplýsingar. Hafið samband við útgefanda til að fá nánari upplýsingar um hvort bókin sé fáanleg.

Súperbækur Súper Viðstödd

Forsíða bókarinnar

Klara er fjörug og uppátækjasöm stúlka. Hún á stundum erfitt með að einbeita sér og truflast auðveldlega. Með aðstoð frá Súper Viðstaddri og afa sínum lærir Klara að nota núvitundaræfingar og jóga til að róa hugann og fær um leið útrás fyrir hreyfiþörfina og leiðir til þess að takast a við krefjandi aðstæður.

Súperbækurnar miðla sálfræðiþekkingu til barna á uppbyggilegan og skemmtilegan hátt. Bækurnar innihalda félagsfærnisögu með vandkvæðum sem eru algeng meðal barna. Söguhetjurnar njóta aðstoðar frá Súperstyrkjum sem eru ofurhetjur og miðla hagnýtum ráðum og aðferðum byggðum á gagnreyndum sálfræðimeðferðum til lesenda.

Paola Cardenas Phd og Soffía Elín Sigurðardóttir eru klínískir barnasálfræðingar á Íslandi og jafnframt höfundar Súperbókanna. Soffía og Paola vita hversu mikilvægt er að börn tileinki sér viðfangsefnin, sem tekin eru fyrir í bókunum, snemma á lífsleiðinni, því forvarnir og snemmtæk íhlutun bæta lífsgæði, velferð og framtíðarhorfur barna.

Bækurnar eru listilega skreyttar af Viktoríu Buzukina, grafískum hönnuði, sem einnig sér um umbrot. Hægt er að nálgast bækurnar í flestum bókabúðum og sérvöruverslunum. Frekari upplýsingar um bækurnar, höfunda og ítarefni sem fylgir bókunum er að finna á www.sjalfstyrkur.is