Athugið að þessi bók er úr eldri útgáfu Bókatíðinda og birt hér með fyrirvara um mögulega sé ekki um að ræða nýjustu upplýsingar. Hafið samband við útgefanda til að fá nánari upplýsingar um hvort bókin sé fáanleg.

Sjálfstyrktarbók Tíu skilaboð

Að skapa öryggi úr óvissu

  • Höfundur Bergsveinn Ólafsson
Forsíða bókarinnar

Tíu skilaboð er ákveðinn leiðarvísir til að fást við lífið. Þrátt fyrir að við lendum í skakkaföllum, upplifum sársauka og vitum ekki hvað framtíðin ber í skauti sér, þá höldum við áfram. Við öxlum ábyrgð, sýnum hugrekki og þrautseigju, höldum í vonina og höfum trú á okkur sjálfum og mannkyninu í heild.

Lengi vel hélt Bergsveinn Ólafsson, doktorsnemi í sálfræði, að hann yrði alltaf hamingjusamur og þyrfti ekki að mæta mikilli þjáningu eða takast á við sársauka til lengri tíma. Annað kom á daginn. Þá hófst vegferð með fjölda áskorana sem skilaði sér meðal annars í þessari bók.

Í fyrri bók sinni, Tíu skref – í átt að inni¬haldsríku lífi, kortlagði Bergsveinn hvernig öðlast mætti innihaldsríkt líf, skref fyrir skref. Nú heldur hann áfram á þeirri braut með tíu beinskeyttum skilaboðum sem geta hjálpað fólki að nálgast sitt eigið jafnvægi milli öryggis og óvissu í flóknum heimi stöðugra breytinga. Lykillinn að því er að komast hjá því að leggja á sig meiri þjáningu en ástæða er til og leggja vinnu í þá þætti sem gefa lífinu raunverulega merkingu.

Bergsveinn er þekktur fyrir þá ástríðu sína að hjálpa fólki og að skafa ekki utan af hlutunum. Hér tekur hann lesendur með sér í heillandi ferðalag og nýtir sér þekkingu sína og reynslu til að opna fyrir þeim áhrifaríkar leiðir til að takast á við aðstæður sem þeir mæta í lífinu af festu, hugrekki og heiðarleika.