Það sem átti að vera hugguleg bústaðaferð breytist á síðustu stundu í útilegu í afskekktum dal. Eftir að myrkrið skellur á fara samskipti ferðafélaga að súrna. Brátt kemur í ljós að ekki er allt með felldu og óvíst er hver lifir nóttina af. Æsispennandi hrollvekja um nútímafólk andspænis óhaminni náttúru, þar sem margt býr í myrkrinu.
Athugið að bækur úr eldri útgáfum Bókatíðinda eru birtar hér með fyrirvara um mögulega sé ekki um að ræða nýjustu upplýsingar.
| Titill | Höfundur | Útgefandi | Lýsing |
|---|---|---|---|
| Friðsemd | Brynja Hjálmsdóttir | Benedikt bókaútgáfa | Friðsemd hefur alla tíð verið með nefið ofan í erótískum spennusögum, sem Fatima, besta vinkona hennar, framleiðir á færibandi. Hennar eigið hversdagslíf er allt annað en spennandi. Þegar besta vinkonan deyr af grunsamlegum slysförum heldur Friðsemd í háskaför og áður en hún veit af er líf hennar orðið ískyggilega reyfarakennt. |
| Ókyrrð Leikrit | Brynja Hjálmsdóttir | Una útgáfuhús | Ókyrrð er gamanleikur um háska í háloftunum. Leikritið gerist í flugvél á tímum heimsfaraldurs og hverfist um fjórar persónur sem allar stefna í ólíkar áttir. Það er ókyrrð í lofti í þessu ærslafulla verki sem fjallar um þrána eftir jafnvægi og óuppfylltar óskir um að hafa stjórn á eigin tilveru, í heimi þar sem ekkert lætur að stjórn. |