Á ferðalagi um tónlistarsöguna
Aðgengilegt og fróðlegt rit þar sem leyndardómum klassískrar tónlistar er lokið upp. Magnús er ástríðufullur fræðari; fundvís á áhugaverðar staðreyndir, skemmtilegar sögur og ekki síst vandaðar upptökur, sem hann hefur sett saman í spilunarlista sem má nálgast á streymisveitum. Bókin hentar öllum sem vilja auka við þekkingu sína.
Óperuheimurinn er mörgum hulinn en hér eru lesendur leiddir með aðgengilegum hætti í gegnum sögu óperunnar, allt frá Monteverdi til Brittens, þar á meðal með um 130 tóndæmum.
Athugið að bækur úr eldri útgáfum Bókatíðinda eru birtar hér með fyrirvara um mögulega sé ekki um að ræða nýjustu upplýsingar.
| Titill | Höfundur | Útgefandi | Lýsing |
|---|---|---|---|
| 10 dagar (í helvíti) | Magnús Lyngdal Magnússon | Bjartur | Miðaldra endurskoðandi vaknar upp við vondan draum í fangaklefa á þriðjudagsmorgni. Hvernig lenti hann þarna inni? Hvað gerði hann? Framdi hann glæp? Drap hann kannski einhvern? Allt er í þoku. Fyndin og áleitin saga um sjálfsskoðun og krísu. |
| Ritröð Auðarstrætis Klassísk tónlist Á ferðalagi um tónlistarsöguna | Magnús Lyngdal Magnússon | Auðarstræti | Fjallað er um sögu vestrænnar tónlistar frá miðöldum til dagsins í dag með fróðlegum en aðgengilegum hætti. Sagt er frá tugum tónskálda, þar á meðal þekktum höfundum á borð við Bach, Haydn, Mozart, Beethoven og Brahms auk annarra tónskálda sem mörg hver eru minna þekkt. |
| Lýðræði í mótun | Hrafnkell Lárusson | Sögufélag | Afhverju fóru Íslendingar að stofna félög um aldamótin 1900? Var almenningur að reyna að setja mark sitt á íslenska samfélagsþróun með þátttöku í félagsstarfi? Leitað er svara við því hvort Íslendingar hafi í krafti þátttöku sinnar haft merkjanleg áhrif á þróun íslensks lýðræðis þegar meginþorri Íslendinga hafði enn ekki öðlast fullan þegnrétt. |