Amma nammigrís: Engin venjuleg amma

Hjartnæm og fyndin barnabók sem segir frá ömmu sem hoppar á trampólíni, gerir kollhnísa og getur borðað ótrúlegt magn af nammi. Það sem er hinsvegar farið að gerast hjá ömmu í dag er að hún er farin að gleyma.

Í bókinni eru sögur af ömmu, byggðar á sönnum atburðum. Sagan er sögð frá sjónarhorni barnabarns sem deilir gleði, hlátri og kærleika með ömmu sinni á einlægan hátt. Auk þess að vera skemmtileg lesning er bókin fræðandi. Hún útskýrir Alzheimer sjúkdóminn á einfaldan hátt og hjálpar börnum að skilja hvað getur gerst þegar ástvinur byrjar að gleyma.