Ég vil ekki vera vinur þinn

„Þetta var hryllilegasti dagur lífs míns” segir Pétur en þann dag var hann borinn þeim sökum að hafa áreitt samstarfskonu sína kynferðislega. Heimurinn fór á hvolf og hann skildi hvorki upp né niður. Í bókinni er lýst forkastanlegri málsmeðferð auk þess sem höfundur lýsir eigin sálarstríði.

Upplýsingar eru á facebook síðu með nafni bókarinnar.

Hér stendur Pétur frammi fyrir því að henda gömlu karlmennskuímyndinni og mæta lesandanum berskjaldaður, það er ekki auðvelt fyrir karl á hans aldri en þeim mun áhugaverðara fyrir vikið.

Höfundur segir frá erfiðri reynslu sinni þegar honum var sagt upp störfum og veltir fyrir sér brotalömum í íslenskri stjórnsýslu og karlmennskuhugtakinu. Hér er á ferðinni sorgarsaga af mannlegum samskiptum sem fóru úrskeiðis en jafnframt tilraun miðaldra karlmanns til að skilja hvað hann gerði rangt.

Höfundur var framkvæmdastjóri Eyþings - sambands sveitarfélaga í Eyjafirði og Þingeyjarsýslum þegar honum var sagt upp störfum. Hann var þá í krabbameinsferli.

Hverjir kynnu helst að hafa áhuga á að lesa frásögn Péturs? Líklega er það annars vegar áhugafólk um vandaða stjórnsýslu og hins vegar um sálræna baráttu og þá einkum og sér í lagi um afleiðingar áfalla.

Dæmi um umsagnir:

Þessi bók ætti að vera skyldulestur við kennslu í opinberri stjórnsýslu.

Þetta er ansi nærgöngul krufning á eigin sálarlífi sem gefur bókinni gildi og dýpt. Það sem situr eftir er hve sterkar tilfinningar koma í gegn og í raun flókin og djúp sorg umlykjandi.

https://www.facebook.com/p/%C3%89g-vil-ekki-vera-vinur-%C3%BEinn-61587735849146/