Athugið að þessi bók er úr eldri útgáfu Bókatíðinda og birt hér með fyrirvara um mögulega sé ekki um að ræða nýjustu upplýsingar. Hafið samband við útgefanda til að fá nánari upplýsingar um hvort bókin sé fáanleg.

Fínir drættir leturfræðinnar

Höfundur Jost Hochuli
Þýðendur Birna Geirfinnsdóttir, Gunnar Þór Vilhjálmsson og Marteinn Sindri Jónsson

Fallegt og spennandi umbrot gleður auga lesenda og vekur áhuga þeirra. Sé illa hugað að hinum fínni dráttum textans verður lesturinn hins vegar erfiður og gleðin skammvinn. Hér má finna ýmsar lausnir, ekki síst í umbroti og framleiðslu bókarinnar sjálfrar. Ómissandi bók fyrir þá sem áhuga hafa á góðri hönnun.

Fínir drættir leturfræðinnar var fyrst gefin út árið 1987 á sjö tungumálum en kemur nú út í fyrsta skipti á íslensku. Í bókinni er fjallað á hnitmiðaðan og aðgengilegan hátt um þá þætti sem skipta sköpum þegar læsileiki texta er annars vegar, svo sem bókstafina, orðið, línuna og andrýmið. Svissneski leturfræðingurinn Jost Hochuli hefur lengi notið hylli á sviði bókahönnunar. Hann hefur kennt um árabil, gefið út og ritstýrt fjölda bóka og hlotið fjölda verðlauna fyrir bókahönnun, til að mynda fyrir Fegurstu bækur Sviss og Fegurstu bækur í heimi.