Guðir og annað fólk

Hér er á ferðinni einstök íslensk vísindaskáldsaga. Þetta er súrrealísk og goðsagnakennd fantasía með leiftrandi húmor, atburðarás og persónum sem munu koma þér á óvart. Bókin er fáanleg í prentformi í Pennanum Eymundsson og í Nexus og sem rafbók á Amazon Kindle, Storytel og Kobo. Einnig er hún væntanleg sem hljóðbók á Storytel.

Grímur er í Reykjavík. Fyrir ofan dökka hlið Tunglsins svífur geimskip Eggfólksins undir stjórn Tromps IV, sem hyggst útrýma mannkyninu.

Á jörðu niðri er Grímur guð í gervi manns og bíður þess að verða kallaður fyrir ÖlfuOmega – almáttuga veru sem er ósnertanleg og ósýnileg flestum og talar í óræðum kaótískum skipunum. Hún skipar honum að hafa upp á Loka í Róm og finna Barnið áður en Eggfólkið ræðst til atlögu. Í þessu verkefni er Aþena við hlið hans sem klettur sem treystir aðeins skynseminni, Freyja hin djúpvitra gyðja sem allir leita ráða hjá, jafnvel AlfaOmega, og Búda sem dregst inn í valdaspilið, gyðjan sem geislar af orkustöðvunum sjö og fer óendanlega í taugarnar á ÖlfuOmega. Þau takast á við að fylgja óræðum skipunum ÖlfuOmega, berjast við hinn sjálfhverfa en miskunnarlausaTromp, og síðast en ekki síst, takast á við eigin trú í heimi þar sem enginn er alveg guð og enginn er alveg manneskja. Súrrealísk goðsagnakennd saga um sköpun, baráttu á milli góðs og ills, ástar og þess ótrúlega hversdagslega. Guðir og annað fólk er þriðja útgefna bók Steingríms Mássonar og jafnframt hans fyrsta skáldsaga.