Kristín Þorkelsdóttir
Fáir hafa skilað af sér jafn mörgum þekktum verkum hér á landi sem skipa viðlíka sess í íslenskri sjónmenningu og grafíski hönnuðurinn Kristín Þorkelsdóttir.
Hún hefur hannað urmul auglýsinga, fjölmargar bókarkápur og ýmis rótgróin merki sem hafa verið landsmönnum sýnileg á skiltum, pappír og skjáum í yfir fimm áratugi, ásamt íslensku peningaseðlunum og vegabréfinu. Kristín stofnaði einnig og rak eina mikilsvirtustu auglýsingastofu landsins um árabil.