Athugið að þessi bók er úr eldri útgáfu Bókatíðinda og birt hér með fyrirvara um mögulega sé ekki um að ræða nýjustu upplýsingar. Hafið samband við útgefanda til að fá nánari upplýsingar um hvort bókin sé fáanleg.

Meydómur

Forsíða bókarinnar

Fullorðin dóttir skrifar látnum föður sínum bréf sem jafnframt er bréf til ungu meyjarinnar sem hún eitt sinn var. Meydómur er saga af leiðinni sem hún fetar frá sakleysi bernskunnar til uppreisnar unglingsáranna þegar meydómi hennar lýkur.

Í bréfinu lýsir hún því hvernig það var að vera stelpa, lítil stelpa sem átti pabba sem virtist ekki þekkja hana þótt þau byggju undir sama þaki. Nú er hann dáinn og hún harmar að hann hafi aldrei kynnst henni þegar hún var barn. Bókin lýsir viðburðaríkri og erfiðri ferð litlu stelpunnar allt frá sakleysi bernskunnar til uppreisnar gegn foreldravaldi á unglingsárunum þegar meydómi hennar lýkur.

„Meydómur Hlínar Agnarsdóttur er með áhugaverðustu skáldverkum síðasta árs. Hún er frábærlega skrifuð, fagmannlega upp byggð og á vonandi eftir að ná til sem flestra. Konur af kynslóð höfundar munu gleypa hana í sig, yngri og eldri konur vafalaust líka, og fyrir karlmenn ætti bókin einfaldlega að vera skyldulesning.“

– Soffía Auður Birgisdóttir

„Magnaður lestur. Hattur ofan fyrir Hlín Agnarsdóttur, þessari gegnheilu gáfukonu og brillsins beibi, einni okkar bestu Íslandsdóttur. […]“

– Hallgrímur Helgason, facebook, 3. júlí 2022