Óbragð
Grátbrosleg ástar- og ferðasaga um Hjalta, sem hefur siglt í strand í lífinu og leitar á náðir sjálfshjálparhópsins Kakófylkingarinnar. Áður en varir er hann kominn á bólakaf í hugleiðslu og kakódrykkju, en ekki er allt sem sýnist í þessum ágæta félagsskap.
„Þetta er létt samtímasaga sem veitir afþreyingu og eitthvað til að hugsa um og það er kúnst að gera það vel.“
Gréta Sigríður Einarsdóttir / Víðsjá
„Endilega grípið Óbragð með ykkur í sólarlanda- eða sumarbústaðaferðina […] þið sjáið ekki eftir því.“
Rebekka Sif Stefánsdóttir / Lestrarklefinn
„Sagan er sögð á fyndinn og galgopalegan hátt og sumar aðstæðurnar sem sérstaklega Kakó-fylkingin lendir í eru sprenghlægilegar ... Guðrún Brjánsdóttir sýnir í þessari bók að hún hefur gott vald á því að segja sögur og búa til persónur.“
Brynhildur Björnsdóttir / Fréttablaðið
„Þetta er í heildina hressandi skemmtisaga.“
Kolbrún Bergþórsdóttir / Kiljan
„Aðalpersónan Hjalti er mjög vel gerður og maður fær ríka samúð með honum.“
Sunna Dís Másdóttir / Kiljan