Izzy og Lucas starfa saman í móttökunni á gömlu heilsuhóteli sem rambar á barmi gjaldþrots. Þau þola ekki hvort annað en þegar kapphlaup hefst milli þeirra um að bjarga vinnustaðnum verður samband þeirra æ flóknara. Rómantísk og fyndin saga með heillandi persónum.
Þegar ókunnug læða gýtur kettlingi heima hjá Unni neyðist hún til að veita köttunum skjól og hlúa að þeim ásamt eiganda þeirra, Ástu. Með konunum tveimur tekst óvænt vinátta og smám saman hleypa þær hvor annarri inn í sína myrkustu kima, áföll og ástarsambönd. Þegar ógn steðjar að standa þær saman – jafnvel þótt það kosti ósegjanlega glæpi.
Nick og Charlie eru ástfangnir og sambandið gengur vel. En Nick fer að ljúka námi í Truham-skólanum og næstu skref eru óráðin. Einlæg og snjöll myndasaga fyrir börn og unglinga sem hefur farið sigurför um heiminn. Þættir gerðir eftir bókaflokknum hafa slegið í gegn á Netflix.
Veldi bræðranna Carls og Roys Opgard riðar til falls þegar erkióvinur þeirra, lögreglustjórinn Kurt Willumsen, finnur nýja tækni sem hann telur geta sannað sekt þeirra í óupplýstum morðmálum. Óveðursskýin – og líkin – hrannast upp og bræðurnir lenda í blóðugu kapphlaupi við réttvísina. Mögnuð saga eftir meistara norrænu glæpasögunnar.
Sofðu vært er fjórða bókin um þau Oliviu Rönning og Tom Stilton eftir Cillu og Rolf Börjlind, einhverja vinsælustu glæpasagnahöfunda Svíþjóðar. Mögnuð saga um óhugnanlegan heim þar sem mannslíf eru lítils metin og peningagræðgin ræður för.
Fimmta bókin í röðinni um Hungurleikana, sagan af Haymitch, er ógleymanleg. Ótti grípur um sig í Panem þegar fimmtugustu Hungurleikarnir renna upp. Þegar leikar hefjast uppgötvar Haymitch að honum er ætlað að mistakast. En eitthvað innra með honum vill berjast. Kvikmynd áætluð í nóvember 2026.
Skáldævisaga – fullorðinsminningar
Sjálfstætt framhald fyrri bóka þar sem höfundur rekur eigin ættarsögu og ævi. Hér stendur hún á sjötugu og lítur um öxl, sögutíminn frá miðjum níunda tug síðustu aldar til nútímans. Sem fyrr er Þórunn hispurslaus og opinská og hlífir sér hvergi – frásögnin er full af visku og vangaveltum, fyndin og gáskafull en um leið blandin trega og söknuði.
Jack Reacher kemur í veg fyrir mannrán í smábæ í Tennessee-fylki. Tölvukerfi bæjarins liggur niðri eftir gagnaárás og maðurinn sem Reacher bjargaði reynist hafa verið upplýsingatæknistjóri í plássinu. En hvers vegna eru allir þessir rússnesku glæponar á höttunum eftir óbreyttri tölvublók? Þetta er tuttugasta og fimmta bókin um töffarann Reacher.