Saga eiginkonunnar

Yetemegna, amma bókarhöfundar, fæddist í norðurhluta Eþíópíu árið 1916. Hún mátti þola ýmsar raunir á langri ævi og barðist ótrauð fyrir réttlæti sér og sínum til handa á stormasömum tímum í Eþíópíu.

Einstök ævisaga ótrúlegrar konu sem missti aldrei kjarkinn þótt á móti blési en jafnframt einstök lýsing á mannlífi í landi sem oft er misskilið.

Það voru stormasamir tímar í Eþíópíu á ævi Yetemegnu: einvaldur keisari tók við af lénsveldi fyrri alda, herir Mússólínis réðust inn í landið, flugvélar bandamanna vörpuðu sprengjum á það, keisaranum var steypt í blóðugri byltingu marxista og grimmileg borgarastyrjöld hófst í kjölfarið.

Meðan á öllu þessu gekk sinnti Yetemegnu fjölskyldu sinni eftir bestu getu.

Aida Edemariam er eþíópsk í aðra ættina og kanadísk í hina. Hún ólst upp í Addis Ababa og nam enskar bókmenntir við háskóla í Oxford og Toronto. Hún hefur síðan starfað sem blaðamaður í New York, Toronto og London þar sem hún er nú pistlahöfundur greinahöfundur og ritstjóri við stórblaðið Guardian. Saga eiginkonunnar hreppti bæði Jerwood-verðlaunin og The Royal Society of Literature's Ondaatje-verðlaunin í Bretlandi. Aida Edemariam er búsett í Oxford.

„Að lesa þessa bók er ekki aðeins eins og að fræðast um liðna tíma heldur eins og að upplifa þá.“ – New Statesman

„Framúrskarandi ... Frásagnarmátinn er eins og í bestu skáldsögu.“ – Financial Times