Síða 1 af 4
Var það slys að ókunnugur maður féll fram af klettabrún og dó? Eða bjó eitthvað ískyggilegt að baki? Grunsemdir vakna í huga glaðværa vinaparsins, Bobbys og Francis, sérstaklega í ljósi þess hvað maðurinn sagði í andarslitrunum: „Af hverju báðu þau ekki Evans?“ Hver var Evans? Hvað átti maðurinn eiginlega við?
"Árum saman hefur þessi atburður fylgt mér eins og skugginn. Þegar ég les um fóstureyðingu í skáldsögu fyllist ég ósjálfrátt geðshræringu, rétt eins og orðin umhverfist á samri stund í ofsafengna tilfinningu." Nóbelsverðlaunaskáldið Annie Ernaux er ein mikilvægasta rödd samtímabókmennta í Frakklandi.
Menningarfrömuðurinn Njörður P. Njarðvík hefur oft verið hvattur til að skrifa ævisögu sína, enda komið víða við á fjölbreyttri og áhugaverðri ævi. En hann hefur ævinlega vikist undan slíkum hvatningum. Það hefur þó hvarflað að honum að gaman gæti verið að skrifa um ýmislegt minnisstætt sem hefur haft áhrif á hann – bæði til góðs og ills.
Byggð á bókum eftir A.A. Milne & E.H. Shepard
Hvar sem við ferðumst um veg, þar förum við Bangsímon, kjáninn og ég! Þeir félagarnir Bangsímon og Jakob Kristófer leggja enn af stað í ævintýri. Skyldi einhver vilja slást í för með þeim?
Ona býr með foreldrum sínum í Amsterdam þegar Þjóðverjar hertaka Holland í upphafi heimsstyrjaldarinnar síðari. Fjölskyldan er í óða önn að undirbúa flutning til Palestínu þegar hún er skyndilega vakin upp um miðja nótt, flutt nauðug í lest og að lokum í fangabúðirnar í Bergen-Belsen. Gyrðir Elíasson íslenskaði.
Sögustundin er að byrja á bókasafninu … En hvar er Depill? Lyftu flipunum og sjáðu hvort þú finnur hann! Frábær flipabók fyrir yngstu kynslóðina um hundinn ástsæla, Depil.
Í þessari bók fer hvolpurinn fjörugi og skemmtilegi í heimsókn til afa og ömmu. Lyftið flipunum til að sjá hvað Depill og afi og amma gera sér til skemmtunar.
Gjafasett – bók og bangsi
Hvar er Depill? Eftirlætis flipabók allra barna með krúttlegum og mjúkum Depils-bangsa í fallegum gjafakassa.
Töfrandi vasaljósabók!
Depill og mamma hans og pabbi ætla að sofa í tjaldi úti í garði. En Depill er ekkert þreyttur! Hann fer með vasaljósið sitt út í nóttina og ætlar að skoða hvað hann sér í myrkrinu. Lýstu með vasaljósinu hans Depils milli blaðsíðnanna til að finna dýr í leyni.
Bernsku- og æskuminningar frá sjötta og sjöunda áratug tuttugustu aldar
„Allt sem þú ert er frá öðrum komið.“ Lögfræðingurinn Skúli Thoroddsen pælir í meiningu þessara orða og fiskar upp lifandi atvik bernsku- og æskuáranna á myndrænan hátt – hvort heldur sem krakki á barnaheimili, unglingur í brúarvinnu eða sveitastrákur hjá Konunni í dalnum og dætrunum sjö.
Bítlarnir í tímanna rás
Heillandi og bráðskemmtileg ævisaga Bítlanna. Í þessari mögnuðu metsölubók er sögð saga strákanna frá Liverpool og brugðið upp lifandi myndum af öllu því undarlega fólki sem tengdust þeim, svo sem Fred Lennon, Yoko Ono, Maharishi, Mímí frænku, Magic Alex, Phil Spector og lögreglufulltrúanum Norman Pilcher sem reyndi að gera þeim allt til miska.
Carl og Helene þráðu að komast i langt frí til að endurnýja sambandið. Þau fundu á netsíðum draumahús í Kaliforníu og höfðu húsaskipti við par sem vildi dvelja sumarlangt í einbýlishúsinu þeirra í sænska skerjagarðinum. En þegar þau koma til Kaliforníu bregður þeim í brún. Þetta var ekki húsið sem þau höfðu hrifist af á netinu.
Jeppe Kørner er í leyfi á eyjunni Borgundarhólmi og Anette Werner er því einni falið að stýra rannsókninni á sundurlimuðu líki sem fannst í tösku grafinni í jörð á leikvelli í miðbænum. Rithöfundurinn Esther de Laurenti kemur við sögu og brátt kemur Jeppe líka til skjalanna og við tekur rannsókn á ískyggilegu leyndarmáli sem á rætur í fortíðinni.
Í Kingcome-byggð við norðvesturströnd Kanada hefur fólk búið öldum saman í sátt og samlyndi við náttúruna. En nútíminn hefur hafið innreið sína með tilheyrandi vandamálum og aldagamalt veiðimannasamfélagið á undir högg að sækja.
Ljóðbókin Flugur eftir Jón Thoroddsen kom út árið 1922. Mun hún vera fyrsta bókin á Íslandi sem eingöngu hafði að geyma prósaljóð. Hún er endurútgefin í tilefni af hundrað ára ártíð höfundar. Í þessa útgáfu hefur auk þess verið safnað öðrum ljóðum og textum Jóns. Guðmundur Andri Thorsson ritar eftirmála.
og fleiri smálegar lífsnautnir
Þessi litla perla franska rithöfundarins Philippes Delerm, fagurlega myndskreytt, sló hressilega í gegn þegar hún kom út í Frakklandi og hefur selst í meira en milljón eintökum þar í landi. Bókin hlaut frönsku Grandgousier-bókmenntaverðlaunin en þau eru veitt fyrir bækur sem lofa glaðlyndi og lífsins lystisemdir. Sannkallaður óður til Frakklands.
Árið er 1884. Nútíminn er að renna í hlað með ferskum straumum og kvennabaráttan að vakna. Ung yfirstéttarkona, Alexandra Rosenkvist, þráir að mega lifa lífinu eins og hún vill sjálf en íhaldssöm fjölskylda hennar þykist vita hvað henni sé fyrir bestu. Hrífandi söguleg skáldsaga um ástir og örlög á umbrotatímum.
í nýju ljósi
Um Helförina er jafnan spurt: Hvernig í ósköpunum gerðist þetta og hvers vegna? Fáar bækur svara þessum spurningum með jafn mannlegum og tæmandi hætti og þessi marglofaða bók eftir breska sagnfræðinginn Laurence Rees.