Skuggabrúin
Í fjarlægri framtíð, á ísilagðri jörð, hafa allar stjörnurnar slokknað nema ein; án hennar væri vetrarmyrkrið algert. Þegar síðasta stjarnan hverfur verða Dimmbrá og Hnikar viðskila og hrekjast um heimskautið. Ekki er allt sem sýnist og myrkrið grúfir yfir. Hvað varð um stjörnuna, hvernig tengist hún skuggabrúnni — verður hægt að afstýra almyrkva?
Skuggabrúin er spennuþrungin og heillandi furðusaga ætluð jafnt ungmennum sem fullorðnum, saga um ofdramb og svik, vetrarkulda og hlýju, ljós og myrkur. Bókin er fyrsta skáldsaga Inga Markússonar trúarbragðafræðings.
Myrk og töfrandi
„Kemur eins og þruma úr heiðskíru lofti og grípur lesanda frá fyrstu blaðsíðu. Meistaralega skrifuð fantasía sem þó er á mörkum fantasíu og vísindaskáldskapar. Sagan er myrk og töfrandi úr einstökum hrollköldum heimi í fjarlægri framtíð á einhvers konar jörð. “
Rósa Margrét Tryggvadóttir, Morgunblaðið
Fagurlega smíðuð bók
„Skuggabrúin er fagurlega smíðuð bók orða sem flytja okkur í sagnaheim af ljósi og myrkri, þar sem ævintýralegar frásagnir fléttast saman í huga lesandans og speglast í persónum og atburðum úr veruleika samtímans.“
Sjón
„Það er eitthvað alveg sérstaklega heillandi við þessa bók. Hún er svo öðruvísi og það er einhver djúp hugsun þarna.“
Kolbrún Bergþórsdóttir, Kiljan