Sóley Eiríksdóttir: Gletta

Vegleg sýningarskrá sem gefin var út í tilefni samnefndrar sýningar á verkum listakonunnar Sóleyjar Eiríksdóttur (1957-1994) í Hafnarborg í ársbyrjun 2023. Bókin er einnig prýdd ljósmyndum af úrvali af verkum Sóleyjar, jafnt grafíkverkum sem þrívíðum verkum, sem hún vann í leir, steinsteypu eða brons. Allur texti bókarinnar er á íslensku og ensku.

Í útgáfunni er fjallað um ævi og feril Sóleyjar, þar sem fléttast saman bæði persónulegar hugleiðingar og listfræðileg innsýn. Þá er birt viðtal við nána vinkonu Sóleyjar, Kristínu Ísleifsdóttur, vöruhönnuð og leirlistarmann, en þær Sóley ráku saman verkstæði í Reykjavík um tíma. Auk þess deila vinir og samferðafólk listakonunnar minningum sínum af Sóleyju og draga þannig upp mynd af henni í lífi og leik.