Stundum verða stökur til
Bragasnillingurinn Hjálmar Jónsson fer hér á kostum í leiftrandi kveðskap og frásögnum. Hann rekur sig fram um ævina í vísum og ljóðum enda ljóst að bundið mál varðar æviveginn.
Skemmtileg atvik og viðburðir verða ljóslifandi, samskipti við fólk í gleði og gáska þar sem skeytin fljúga í allar áttir. Í bókinni má einnig finna dýpri kveðskap. Þeim megin er settleg alvara í sálmum og skírnar- og minningarljóðum. Rauði þráðurinn er þó alltaf hjartahlýjan og húmorinn.
Bókarheitið er hluti af tækifærisvísu eftir Hjálmar, sem hann orti á góðri stund:
Andagift ég ekki skil
eða þekki.
Stundum verða stökur til
og stundum ekki.