Upp á punkt

Ný og endursk. útgáfa sem ætluð er nemendum sem eru að hefja nám í framhaldsskóla en skortir leikni í stærðfræði. Við efnisval var tekið mið af námskrám efstu bekkja grunnskóla og grunnáfanga framhaldsskóla með það fyrir augum að brúa bilið þar á milli. Nýjung er mikill fjöldi QR-kóða sem opna myndbönd um efnið og leiðbeina um lausnaraðferðir.

Bókin skiptist í eftirfarandi kafla:

1. Aðgerðirnar fjórar

2. Röð aðgerða

3. Almenn brot

4. Algebra

5. Jöfnur

6. Liðun og þáttun

7. Veldi

8. Rætur

9. Hlutföll og prósentur

Texti bókarinnar er á auðskildu máli og þannig fram settur að nemendur eigi auðvelt með að lesa hann sér til gagns. Bókin er einnig heppileg fyrir fólk sem vill rifja upp stærðfræði á eigin spýtur, t.d. áður en lagt er upp í nám að nýju eftir hlé.

Höfundar bókarinnar hafa báðir áralanga reynslu af stærðfræðikennslu á framhaldsskólastigi.