Tröll hafa byggt Ísland frá því löngu áður en menn settust hér að. Hér er hulunni svipt af lífsháttum tröllanna með sérstakri áherslu á litla tröllafólkið - sem er samt ekki svo lítið! Í þessari myndríku bók vekur Brian Pilkington magnaðan hulduheim til lífsins á sinn tröllskemmtilega og nýstárlega hátt. Einnig fáanleg á ensku.
Athugið að bækur úr eldri útgáfum Bókatíðinda eru birtar hér með fyrirvara um mögulega sé ekki um að ræða nýjustu upplýsingar.
| Titill | Höfundur | Útgefandi | Lýsing |
|---|---|---|---|
| Gleðileg mjátíð | Brian Pilkington | Forlagið - Mál og menning | Jólakötturinn er horfinn og jólasveinarnir fara því út í hríðarveðrið að leita hans. Það sem þeir koma með til baka kemur sannarlega á óvart. Brian Pilkington er sérfræðingur í jólakettinum og skjólstæðingum hans og dregur hér upp einstaklega hlýja og skemmtilega fjölskyldumynd af sinni alkunnu snilli. Einnig fáanleg á ensku. |
| Jólalitabókin mín | Brian Pilkington | Forlagið - Mál og menning | Íslensku jólasveinarnir eru litríkur hópur; þeir eru stundum hrekkjóttir en alltaf bráðskemmtilegir – ekki síst eins og þeir birtast úr pensli Brians Pilkington. |
| Það sem kindur gera þegar enginn sér til | Brian Pilkington | Forlagið - Mál og menning | Á hverju vori eru íslenskar kindur sendar út í óbyggðir í þriggja mánaða sumarfrí frá bændum landsins. Fátt er vitað hvað á daga þeirra drífur allan þennan tíma en nú hefur Brian Pilkington rýnt í hvað leynist í ærhausnum og setur það hér fram á sinn óviðjafnanlega hátt. Bókin er einnig fáanleg á ensku. |