Síða 1 af 4
Áfangastaðir í alfaraleið
Páll Ásgeir leiðir lesendur á staði sem hafa verið á fárra vitorði og sýnir nýjar hliðar á vinsælum áfangastöðum. Bókin opnar ferðalöngum sýn á náttúru landsins og furður hennar. Í fyrstu útgáfu var vísað á 101 áfangastað en hér eru áfangastaðirnir orðnir 175 talsins, þar af 14 sem ekki hefur áður verið lýst.
Christine og Alex eiga að baki þrjátíu ára nána hjónavináttu við Lydiu og Zachary. Kvöld eitt hringir Lydia af sjúkrahúsinu í miklu uppnámi, Zachary hefur fengið hjartaáfall og er látinn. En harmur þeirra sem eftir sitja þjappar þeim ekki saman, gömul leyndarmál og gremja koma smám saman upp á yfirborðið og það hriktir í stoðum vináttunnar.
Svefnvana móðir í Svíþjóð fær nístandi óþægindi úr fortíðinni á heilann. Ungur eldhugi dragnast með íslenska slaufun og stóra drauma í nýju landi. Eiga þau afturkvæmt til Íslands? Heillandi samtímasaga um tengsl, meðalmennsku og frama, samskipti í hjónabandi og eðli vináttu, eilífan flótta undan sársauka og eftirsjá eftir því sem aldrei varð.
Þegar Perla rankar við sér á Landspítalanum eftir heilablóðfall snýst hennar fyrsta hugsun aðeins um eitt: Bévað líkið, sem getur ómögulega verið áfram þar sem það er. En hvað getur hálflömuð manneskja á áttræðisaldri gert í slíkri stöðu? Þrjóskan og hugvitið geta sannarlega fleytt konu langt – en svo getur liðsauki líka borist úr óvæntustu átt.
Velkomin á ströndina! Komdu með múmínfjölskyldunni og vinum þeirra niður á strönd. Múmínsnáðinn, múmínpabbi og múmínmamma, Snabbi, Tikka-tú og Hrekkur skemmta sér konunglega á góðum sólardegi. Falleg og bráðskemmtileg saga og vönduð tréleikföng fylgja með.
Helga vill miklu frekar fara í hvalaskoðun með afa en að mæta í skólann. Þegar fjarvistirnar safnast upp er hún send á námskeið fyrir börn í vanda. Hún þarf auðvitað ekkert á því að halda en úr því að hún neyðist til að mæta getur hún að minnsta kosti reynt að kynnast sæta fótboltastráknum og hrint feimna sveitastráknum út fyrir þægindarammann.
Þegar Takako missir í einu vetfangi kærastann, vinnuna og trúna á sjálfa sig býðst henni óvænt skjól hjá frænda sínum í lítilli fornbókabúð í Tókýó. Jimbocho-hverfið í Tókýó iðar af lífi, þar flökta neonljós borgarinnar og angan af Ramen-núðlum liggur í loftinu. Í Morisaki-bókabúðinni opnast annar heimur – kyrrlátur, hlýr og fullur af sögum.
Áhrifamikil og grípandi saga um áföll og ástleysi í lífi barns. Vidar er kennari sem hefur verið sakaður um brot í starfi en hann getur ekki munað hvað gerðist. Á einhvern hátt tengist það samt júnídegi í sumarhúsinu þegar hann var strákur, degi sem hann reynir af öllum mætti að rifja upp. Hvað gerðist þann dag sem heldur honum enn í heljargreipum?
Magnað andrúmsloft einkennir þessa ískyggilegu og óhefðbundnu glæpasögu. Odd Strange einkaspæjari býr í gömlu hjólhýsi nærri Malaga. Hann á sér óvenjulega sögu: ólst upp í Reykjavík hjá afar sérkennilegum foreldrum, var júdókappi og starfaði í lögreglunni í Osló. Dag einn fær hann í fangið hryllilegt mál sem virðist tengjast fortíð hans.
Tove Jansson er þekktust fyrir sínar óviðjafnanlegu sögur um múmínálfana en hún skrifaði einnig seiðandi bækur ætlaðar fullorðnum og er þetta sú fyrsta þeirra. Íslenskir aðdáendur Sumarbókarinnar þekkja sögusviðið og umfjöllunarefnin; átök manns og náttúru, ímyndunarafl bernskunnar, leikgleði og listsköpun, auk bæði ógnar og öryggis.
Harpa og Hrói leggja af stað í mjög sérstakan leiðangur. Harpa ætlar að veiða dreka og elda úr honum afmælismáltíð handa mömmu sinni en Hrói þarf að fara í erfiða sendiferð fyrir afa sinn. Saman lenda þau í stórskemmtilegum uppákomum! Sígild saga eftir einn ástsælasta barnabókahöfund þjóðarinnar. Þessi nýja útgáfa er tilvalin í heimalesturinn!
Þegar lík finnst í hesthúsi gefst Helgu óvænt tækifæri til að leiða sína fyrstu rannsókn hjá ofbeldisbrotadeildinni. Til liðs við sig fær hún lögreglumann úr umferðardeildinni, hinn tröllvaxna og dula Bjarka. Smám saman verður þeim ljóst að þau leita kaldrifjaðs fjöldamorðingja og að tíminn til að bjarga næsta fórnarlambi er að renna frá þeim.
Skaftáreldar og móðuharðindin
Skaftáreldar og móðuharðindin eru mestu náttúruhamfarir sem hér hafa orðið á sögulegum tíma. Fimmtungur landsmanna dó og þúsundir fóru á vergang; straumar flóttafólks bárust vítt og breitt um landið, bústofn féll unnvörpum og hungursneyð geisaði. Þessir örlagatímar lifna við á einstæðan hátt í meðförum þessa vinsæla höfundar.
Á gráleitum miðvikudegi í mars fara feðgin saman í IKEA. Ferðin tekur óvæntan snúning þegar þau lokast inni í versluninni yfir nótt. Að loknum rómuðum þríleik sínum um síldarævintýrið snýr Hallgrímur Helgason aftur í nútímann í nýstárlegri sögu um hversdag okkar allra – sem verður aldrei samur.
Lassi er fimm ára og vill aldrei fara að hátta. Þegar mamma hans reynir að koma honum í rúmið orgar hann bara og ólmast. Kvöld eitt heimsækir hann Lottu gömlu. Hún leyfir honum að prófa gleraugun sín – og það eru sko engin venjuleg gleraugu! Með þeim getur hann nefnilega fylgst með háttatíma dýranna. Sígild saga sem er nú loks fáanleg á ný.
Glænýr meðlimur í greppifjölskyldunni sem hefur fyrir löngu unnið hug og hjarta íslenskra barna. Greppiamma er á leiðinni í heimsókn og hún hefur feiknarlega góða matarlyst. Því halda Greppikló og Greppibarnið á veiðar í Myrkaskógi. En þar rekast þær á afar kunnuglega mús.
Snigilinn Skrúfu dreymir um að yfirgefa litla skerið sitt og skoða heiminn. Eina nóttina rætist óskin: Risastór hvalur kemur syndandi og býður henni far á sporði sínum. Og þá hefst ógleymanleg ævintýraferð, uppfull af undrum og hættum.
Una og Ormur eru í næturgistingu hjá ömmu og afa og fá að sofa með góðu sængina hennar ömmu. En af hverju er sængin hennar svona dásamleg? Er hún kannski troðfull af silkimjúkum skýjum? Hreiður, egg og æðardúnn rekur á fjörugan og myndríkan hátt ferðalag æðardúnsins frá hreiðrunum í æðarvarpinu til sængurinnar og svefnpokans.