Heildarsafn ljóða Njarðar P. Njarðvík. „Lesendum er hér með boðið að stíga inn í ljóðheim „í faðmi tungunnar“ þar sem andartakið og eilífðin mætast í orði sem lýsir, talar til okkar með þögninni og leiðir okkur nær kjarna tilverunnar,“ skrifar Ólína Þorvarðardóttir prófessor meðal annars í inngangi að ljóðasafninu.
Ljóðrýni
Skáldið, rithöfundurinn og bókmenntaprófessorinn Njörður P. Njarðvík rýnir í 39 ljóð eftir 38 af okkar fremstu skáldum. Njörður greinir uppbyggingu ljóðanna, merkingu þeirra og tilætluð áhrif í samspili orða, hljóms og menningar. Ljóðrýni þessi á uppruna sinn í kennslu Njarðar í íslenskum bókmenntum við Háskóla Íslands.
Athugið að bækur úr eldri útgáfum Bókatíðinda eru birtar hér með fyrirvara um mögulega sé ekki um að ræða nýjustu upplýsingar.
| Titill | Höfundur | Útgefandi | Lýsing |
|---|---|---|---|
| Atvik á ferð um ævina | Njörður P. Njarðvík | Ugla | Menningarfrömuðurinn Njörður P. Njarðvík hefur oft verið hvattur til að skrifa ævisögu sína, enda komið víða við á fjölbreyttri og áhugaverðri ævi. En hann hefur ævinlega vikist undan slíkum hvatningum. Það hefur þó hvarflað að honum að gaman gæti verið að skrifa um ýmislegt minnisstætt sem hefur haft áhrif á hann – bæði til góðs og ills. |
| Eina hverfula stund | Njörður P. Njarðvík | Forlagið - Iðunn | Bók sem geymir hugnæm og djúpskyggn ljóð sem fá lesandann til að staldra við og hugleiða tímann og mannsævina, eilífðina og andartakið. Þetta er sjötta ljóðabók Njarðar en hálf öld er nú liðin síðan sú fyrsta kom út. Hann hefur á sextíu ára höfundarferli sent frá sér frumsamdar bækur af ýmsu tagi og fjölda þýðinga, ekki síst á ljóðum. |
| Ljáðu mér rödd Ljóðaþríleikur | Kjell Espmark | Ugla | Magnaður ljóðaþríleikur eftir eitt virtasta skáld Svía, Kjell Espmark, sem er Íslendingum að góðu kunnur. Í bókinni eru ljóðabækurnar Vetrarbraut (2007), Innri víðátta (2014) og Fjöldi votta (2020) þar sem öll bestu höfundareinkenni Espmarks sem ljóðskálds njóta sín til fulls. |