Í þessari bók kynnumst við 16 fuglategundum af þeim 75-80 sem verpa að staðaldri á Íslandi. Við fræðumst um sögu þeirra, skoðum hvernig þeir líta út og hvað þeir gera dagsdaglæega. Þeir skipta mikklu máli fyrir náttúruna og okkur. Í lok hvers kafla er að finna ljóð, sem börn víðs vegar að af landinu hafa ort um fuglinn sinn.
Athugið að bækur úr eldri útgáfum Bókatíðinda eru birtar hér með fyrirvara um mögulega sé ekki um að ræða nýjustu upplýsingar.
| Titill | Höfundur | Útgefandi | Lýsing |
|---|---|---|---|
| Fuglar á Íslandi og árstíðirnar fjórar Fugladagbókin 2022 | Sigurður Ægisson | Bókaútgáfan Hólar | Þessi bók er nýjung á íslenskum bókamarkaði og einkum hugsuð fyrir þau fjölmörgu, ung og eldri, sem hafa áhuga á fuglum. |
| Hrafninn Þjóðin - Sagan - Þjóðtrúin | Sigurður Ægisson | Bókaútgáfan Hólar | Saga hrafnsins með íslensku þjóðinni nær samkvæmt rituðum heimildum allt aftur til 9. aldar, þegar hann leiddi Flóka Vilgerðarson upp að Íslandsströndum. Ýmislegt fréttist af þessum blakka spekingi eftir það, löngum tengdist hann myrkraöflunum og ekki var laust við að galdramenn notuðu parta úr búki hans í kukli sínu. |
| Langt var róið og þungur sjór Líkön Njarðar S. Jóhannssonar af norðlenskum fiski- og hákarlaskipum og frásagnir af afdrifum þeirra | Sigurður Ægisson | Bókaútgáfan Hólar | Þúsundþjalasmiðurinn Njörður S. Jóhannsson á Siglufirði hefur smíðað á þriðja tug líkana af norðlenskum fiski- og hákarlaskipum frá 18. og 19. öld. Hér eru myndir af þeim, sannkölluðum listaverkum, og jafnframt er rakin saga þeirra, sem endaði ekki alltaf vel. Samantekt á ensku fylgir í lok bókarinnar. |
| Ókei Leitin að upphafi og sögu þekktasta orðatiltækis í heimi | Sigurður Ægisson | Bókaútgáfan Hólar | OK eða O.K., ýmist með lág- eða hástöfum, er sagt vera þekktasta útflutningsafurð Bandaríkjanna, fyrr og síðar. Alla vega er þessi stafasamsetning fyrir löngu komin um gjörvalla jörð og mun í ofanálag vera fyrsta orðið sem heyrðist mælt á tunglinu. Það er ekki lítið afrek! |
| Völvur á Íslandi | Sigurður Ægisson | Bókaútgáfan Hólar | Frá elstu tímum eru til sagnir um konur, sem vissu lengra nefi sínu. Þekktastar eru tvímælalaust völvurnar. Þær nutu mikillar virðingar, stundum reyndar óttablandinnar, enda voru þær á mörkum tveggja heima og höfðu vitneskju um það, sem flestum ððrum var hulið. Sumum þeirra fylgja magnaðar sögur og þær finnur þú í þessari einstöku bók. |
| Ævintýraheimur íslenskra fugla | Sigurður Ægisson | Bókaútgáfan Hólar | Hver er stærsti fuglinn okkar? Hver er sá minnsti? Hver er besta eftirherman og mesti hrekkjalómurinn? Hver er vorboðinn ljúfi? Í þessari bók, sem prýdd er glæsilegum myndum, kynnumst við 16 fuglategundum sem verpa á Íslandi. Þetta er sannkölluð fjölskyldubók sem ljúft er að sofna út frá og taka svo aftur upp þráðinn kvöldið eftir. |