Íslensk klassík Bréfbátarigningin

Eitt af fyrstu prósaverkum Gyrðis Elíassonar, kom út árið 1988 og var tilnefnt til Bókmenntaverðlauna Norðurlandaráðs tveimur árum síðar. Sögur verksins eru fjórar og mynda sagnasveig þar sem andrúmsloftið er sveipað rómantískri hulu bernskusýnar og nostalgíu.

Stúlka dvelur í sveit hjá eldri manni, tilveran er gamalgróin og regluföst en í tjörninni eru dularfullir álar. Ungur drengur missir afa sinn og verður ákaflega myrkfælinn. Vængmaður vinnur í prentsmiðju á daginn en flýgur um háloftin að næturlagi með vængjunum sem hann smíðaði og par nýtur lífsins í dönsku sumarhúsi, hjólar um sléttlendið og fer á ströndina, en úti fyrir bíður næturmyrkrið og hafið, hvoru tveggja fullt af uggvænlegu aðdráttarafli og furðum.

Bréfbátarigningin er með fyrstu prósaverkum Gyrðis Elíassonar, kom út árið 1988 og var tilnefnt til Bókmenntaverðlauna Norðurlandaráðs tveimur árum síðar. Sögur verksins eru fjórar og mynda sagnasveig þar sem andrúmsloftið er sveipað rómantískri hulu bernskusýnar og nostalgíu; er hversdagslegt og á tíðum kómískt, en um leið draumkennt, undarlegt og stundum ógnvekjandi.

Gyrðir er einn ástsælasti og virtasti höfundur þjóðarinnar og hefur hlotið fjölda verðlauna fyrir verk sín og þýðingar. Hann hefur átta sinnum verið tilnefndur til Íslensku bókmenntaverðlaunanna og hlaut verðlaunin árið 2000. Þá hefur hann einnig fengið Bókmenntaverðlaun Norðurlandaráðs, tilnefningu til Médicis-verðlaunanna í Frakklandi, og í vor hreppti hann bæði Maístjörnuna fyrir ljóðatvennuna Dulstirni og Meðan glerið sefur, og hin sænsku Tranströmer-verðlaun sem veitt eru fyrir afburðaskáldskap.

Halldór Guðmundsson ritar eftirmála