Einfætta ballerínan

Dásamlegur aldarspegill, í senn tragískur, fjörugur og fyndinn. Inga heillaðist snemma af leiklist og kom víða við í heimi leikhússins. Af fullri einlægni lýsir hún baráttu sinni við eigin takmörk, segir frá ástum og sorgum, sigrum og ósigrum – og leitar loks sátta við liðna tíð. Þar er fátt dregið undan.

Inga Bjarnason var borin og barnfædd við Tjarnargötu í Reykjavík en þó eins og alltaf til hliðar við það borgaralega umhverfi sem mætti henni ungri. Hún heillaðist snemma af leiklistinni og leitaði víða inngöngu í heim leikhússins. Staldraði við um hríð í tilrauna- og framúrstefnuleikhúsum álfunnar, fyrst í Danmörku, síðar Bretlandi, og heim komin lagði hún íslenskri leiklist lið sem leikstjóri um áratuga skeið.